Les Témoins de Jéhovah — La foi en action, 2^e partie : Que brille la lumière !

Apré ki frere Rutherford ek so bann compagnon ti sorti dan prison en 1919, ti ena enn grand travail ki ti pé attann bann Etudiant la Bible. Pareil couma nou trouvé dan DVD Les Témoins de Jéhovah — La foi en action, 2^e partie : Que brille la lumière !, bann Etudiant la Bible ti pou gagne beaucoup l’opposition, pli allé zot ti pou comprend bann l’Ecriture pli bien, ek zot la foi ti pou vinn pli fort. (Prov. 4:18; Mal. 3:1-3; Jean 15:20) Guette sa DVD-la, ek essaye reponn sa bann question-la:

(1) Ki methode bann Etudiant la Bible ti servi pou partage la bonne nouvelle? (2) Ki ti passé pendant bann l’assemblée special ki ti ena en 1931 ek 1935? (3) Lor ki kitsoz important La Tour de Garde 1^er novembre 1939 ti kozé? (4) Ki ti arrivé kan frere Rutherford ti faire discours “ Gouvernement et paix ” dan Madison Square Garden? (5) Frere Knorr ti faire sa discours-la: “ La paix de demain sera-t-elle de longue durée ? ” Ki kitsoz ti vrai-mem interessant dan sa discours-la? (6) En 1942, ki disposition bann Témoins de Jéhovah ti prend en rapport avek travail predication? (7) Raconte certain bataille juridik ki ti ena dan l’Amérique, Canada, ek la Grèce. (8) Ki l’effet Lekol Guiléad finn ena lor travail predication? (9) Ki travail important finn commencé en 1946, ek kifer? (10) Ki kitsoz bann Témoins de Jéhovah finn faire pou faire en sorte ki zot la vie li en accord avek bann principe la Bible? (11) Expliké ki certain changement finn bizin faire dan bann l’année 1970 pou faire sur ki l’organisation suive pli bien modele ki ena dan la Bible. (12) Couma sa DVD-la inn aide ou pou comprend pli bien ki sa l’organisation-la li pou Jéhovah ek ki c’est Li ki pé dirige sa? (13) Couma sa DVD-la inn faire ou pli determiné encore pou contigne preché avek zele malgré bann difficulté? (14) Couma nou kapav servi sa DVD-la pou aide nou bann famille, nou bann l’etude, ek lezot?

Chaque jour ki passé c’est coumadir enn nouveau chapitre ki ajouté dan l’histoire bann Témoins de Jéhovah. Kan enn jour, lezot pou raconte seki finn passé dan nou lepok, ki zot pou ecrire lor nou ek lor bann zeffort ki nou faire dan ministere? Pareil couma nou bann frere finn faire dan le passé, avek zele, anou contigne faire nou la lumiere brillé!​—2 Cor. 4:6.