“Protege to l’esprit!”
1. Ki theme l’assemblée circonscription pou l’année service 2013, ek ki l’objectif sa l’assemblée-la?
1 Jésus ti dire so bann disciple ki zot bizin content Jéhovah avek tou zot leker, tou zot nâme, ek tou zot l’esprit. (Mat. 22:37, 38) Bann programme l’assemblée ki pou ena sa l’année-la pou aide nou fortifié seki nou été endan. Couma ou koné, theme nou l’assemblée district ti: “Protege to leker!” Theme nou l’assemblée special enn jour pou l’année service 2013 li: “Protege to conscience!” Ek theme l’assemblée circonscription c’est: “Protege to l’esprit!,” ki basé lor Matthieu 22:37. L’objectif sa l’assemblée-la c’est aide sakenn parmi nou pou analyse so bann pensée, coumsa nou bann pensée pou faire Jéhovah plus plaisir.
2. Pendant programme nou bizin rod reponse ki question?
2 Ki nou pou tendé: Pendant ki nou pou ecoute l’assemblée circonscription, rod reponse sa bann question ki suive-la, c’est bann point principal:
• Couma nou kapav evite ena “pensée bann dimoune”?
• Couma nou kapav aidé pou tire voile ki pé aveuglé l’esprit bann non-croyant?
• Ki l’etat d’esprit nou envie ena?
• Ki bann bienfait nou gagné kan nou medite couma bizin?
• Couma nou kapav laisse Jéhovah forme nou bann pensée?
• Couma bann mari, bann femme, bann parent, ek bann zenfant kapav faire zot part pou ki la famille heureux?
• Couma nou kapav montré-nou pré pou jour Jéhovah?
• Ki sa vedir prepare nou l’esprit pou agir?
• Ki bienfait bann ki applik seki zot aprann, gagné?
3. Kifer li important ki nou present toulé-deux jour, ecoute bien, ek applik seki nou aprann?
3 Satan pé faire tou seki li kapav pou ki li pourri nou l’esprit. (2 Cor. 11:3) Alors, nou bizin protege nou l’esprit, controle nou bann pensée, contigne ena mem pensée ki Christ, ek pa laisse nou influencé par sa le monde ki pa respecté bann la loi Bondié-la. (1 Cor. 2:16) Alors, faire tou pou ki ou assisté toulé-deux jour l’assemblée circonscription. Ecoute bien. Kan nou applik bann point bien important ki nou pou tendé, sa pou aide nou pou prepare nou l’esprit pou vinn zelé dan nou service pou Royaume Bondié.—1 Pierre 1:13.