Kisannla Pou Interessé Avek Sa Lartik-La?
1. Kan nou lire nou La Tour de Garde ou-soit nou Réveillez-vous !, lor ki kitsoz nou bizin reflechi, ek kifer?
1 Kan l’esclave fidele et avisé prepare La Tour de Garde ek Réveillez-vous !, zot pense bann dimoune ki vive partout lor later. C’est a cause sa ki bann lartik ki ena dan sa bann magazine-la koz lor enn grand varieté sujet. Kan nou lire chaque lartik dan nou prop copie, nou bizin reflechi kisannla en particulier kitfois pou interessé ar sa lartik-la, ek apré faire tou nou possible pou offert dimoune-la sa magazine-la.
2. Ki bann sujet ki ena dan nou bann magazine kitfois pou interesse certain?
2 Eski dan nouveau La Tour de Garde ena enn sujet Biblik lor ki ou ek ou collegue travail inn deja kozé avant? Eski ena enn lartik ki koz lor la famille ki pou utile pou enn famille proche? Eski ou konn enn kikenn ki pé faire projet pou al en voyage dan enn pays lor ki Réveillez-vous ! inn kozé? Eski enn parmi sa bann magazine-la pou interesse certain compagnie ou-soit bureau secteur publik dan ou territoire? Par exemple, enn magazine ki koz lor bann difficulté ki bann vié dimoune bizin faire face kapav interesse surtout bann ki reste ou-soit travail dan bann home. Bann l’organisation ki faire respecté la loi, couma la police, kitfois pou interessé ar enn magazine ki koz lor criminalité.
3. Raconte enn l’experience ki montré l’importance pou offert bann dimoune bann magazine kot ena enn lartik ki nou pensé pou interesse zot.
3 Bann Bon Resultat: Apré ki zot ti gagne Réveillez-vous ! Octobre 2011, « Faites de vos enfants des adultes responsables », enn couple dan Sud-Afrique ti telephone 25 lekol dan zot territoire. Vingt-deux lekol ti accepté copie sa Réveillez-vous !-la ek ti partage sa avek zot bann zeleve. Enn lot couple dan sa pays-la ti ena mem l’idée ek zot ti place sa magazine-la dan bann lekol dan zot territoire. Dan enn sa bann lekol-la, bann professeur ti decide pou servi sa magazine-la dan programme ki guide bann zeleve pou choisir enn carriere ek dan programme lecture. Sa couple-la ti raconte zot l’experience avek enn surveillant circonscription. Apré-sa, surveillant-la ti encourage bann congregation ki dan so circonscription pou contacté bann lekol ki dan zot territoire. La filiale ti gagne tellement enn grand demande pou sa magazine-la ki ti bizin ré-imprime ankor!
4. Kifer nou envie offert nou bann magazine ar pli beaucoup dimoune ki nou kapav?
4 Nou bann magazine montré vrai-mem kifer ena bann l’evenement ki nou pé trouvé ek zot dirige nou l’attention vers la Bible ek Royaume Bondié. C’est zis nou bann magazine ki “annonce la delivrans.” (Is. 52:7) Alors, nou envie offert zot ar pli beaucoup dimoune ki nou kapav. Enn bon fason pou nou faire sa c’est kan nou demann-nou-mem: ‘Kisannla pou interessé ar sa lartik-la?’