Presente Enn Sel Lartik, Mais Laisse Toulé-deux Magazine

Dan La Tour de Garde ek Réveillez-vous ! ena enn varieté lartik bien interessant. En general kan nou pé propose sa deux magazine-la, au lieu ki nou essaye presente plusieurs lartik devant chaque laport, li pli bon ki nou koz lor enn sel lartik. Si nou observe bien ek konn bien bann lartik ki ena dan chaque magazine, nou kapav choisir enn lartik soit dan La Tour de Garde soit dan Réveillez-vous ! ki pou interesse dimoune-la. Par exemple, si nou trouve bann zouzou dan enn lakaz ou-soit autour, nou kapav attire l’attention dimoune-la lor enn lartik ki koz lor lavi famille. Si nou zwenn enn missié, nou kapav presente li enn lartik ki interesse plis bann missié, couma par exemple enn sujet lor enn bon gouvernement. En general, mem si nou koz lor enn sel lartik, nou bizin quitte toulé-deux magazine avek dimoune-la si li interessé.