Montré l’Importance pou Commence Bann Letid la Bible Premier Samedi
Depuis Mai 2011, l’organisation ti encourage bann proclamateur pou essaye commence bann letid la Bible premier Samedi chaque mois. Pou aide nou faire sa, l’organisation inn prepare enn lartik ki appel “Reponse pou Bann Question Biblik” ki trouve dan chaque numero La Tour de Garde edition publik. Alors, dan bann reunion predication ki faire premier Samedi, bizin montré couma kapav servi sa bann lartik-la pou commence bann letid la Bible. Bizin aussi faire enn demonstration pou montré couma pou presente sa lartik-la.
Bann ancien kapav decidé ki chaque groupe predication zwenn dan diferan place premier Samedi, ou-soit ki zot tou zwenn ensam dan la Salle du Royaume. Mais, si plusieurs congregation servi la Salle du Royaume, okenn congregation bizin pa renvoye sa jour special-la, zis pou ki tou bann groupe zwenn ensam pou faire reunion predication.