Eski To Pou Sezi Lokazion?
Lepok Memoryal Permet Nou Montre Rekonesans
1. Ki lokazion spesial nou pou gagne pandan lepok Memoryal?
1 Memoryal tom le 14 Avril. Sa se enn bon lokazion pou devlop ek montre nou rekonesans anver Jéhovah pou tou so bonte anver nou. Kan nou lir Luc 17:11-18, nou trouve kouma Jéhovah ek Jésus konsider bann dimounn ki ena sa kalite-la. Malerezman, zis enn parmi sa dis lepre-la inn sezi lokazion pou remersie Jésus. Dan lavenir, gras-a kado ki Jéhovah inn donn nou, setadir laranson, tou dimounn pou geri. Tou maladi pou disparet. Lerla, vremem lavi pou touletan pou vinn enn realite. Pena dout, ki sak zour nou pou remersie Jéhovah pou tou sa bann benediksion-la. Me kouma nou kapav montre nou rekonesans dan bann semenn ki pe vini?
2. Kouma nou kapav devlop rekonesans pou laranson?
2 Devlop Rekonesans: Se nou bann panse ki pous nou pou ena rekonesans. Enn kitsoz ki pou ed nou devlop nou rekonesans pou laranson, se enn program lektir Labib pou Memoryal. Nou kapav trouv sa program-la plizir plas, kouma par exanp, dan edision revize New World Translation, appendix B12, dan kalandriye, ek dan brosir Anou Examine la Bible Toulé-Jour. Kifer to pa fer sa lektir-la an fami? Si nou fer sa nou rekonesans pou laranson pou ogmante. An-retour, sa pou ena enn lefe pozitif lor nou kondwit.—2 Cor. 5:14, 15; 1 Jean 4:11.
3. Kouma nou kapav montre nou rekonesans pandan lepok Memoryal?
3 Montre Rekonesans: Se nou aksion ki montre ki nou ena rekonesans. (Col. 3:15) Sa lepre ki ti ena rekonesans la ti fer zefor pou al rod Jésus pou dir li mersi. Pena dout ki se avek enn gran lantouziast ki li’nn rakont mirak ki Jésus inn fer pou geri li. (Luc 6:45) Eski rekonesans pou laranson pou pous nou partisip avek zel dan kanpagn spesial pou Memoryal? Enn fason pou montre nou rekonesans se kan nou fer pionie tanporer ouswa nou ogmant nou laktivite predikasion pandan lepok Memoryal. Zour Memoryal, nou leker ranpli ar rekonesans pou pous nou pou akeyir bann viziter ek nou pou dispoze pou reponn zot bann kestion.
4. Kouma nou kapav pas sa Memoryal-la san okenn regre?
4 Eski se nou dernie Memoryal? (1 Cor. 11:26) Nou pa kone. Me seki nou kone, se ki enn fwa li pase nou pa pou gagn enn lot lokazion ankor pou montre nou rekonesans. Eski to pou sezi sa lokazion-la? Nou espere ki bann parol rekonesans ek meditasion nou leker fer plezir Jéhovah, nou Bondie zenere ki’nn donn nou laranson.—Ps. 19:14.