Enn Linvitasion Spesial
1. Kan eski kanpagn linvitasion pou lasanble 2014 pou koumanse?
1 Fer koumadir to pe plann pou fer enn repa spesial pou bann kamarad ouswa bann fami, enn repa ki demann twa boukou zefor ek boukou depans. Sirman to pou bien fite pou invit bannla. Li parey pou nou lasanble distrik ek internasional ki pou ena an 2014. Bann frer inn travay boukou pou prepar sa gran banke spiritiel-la. Trwa semenn avan ki sa lasanble-la koumanse, nou pou ena privilez pou invit bann dimounn. Ki pou ed nou pou donn bann linvitasion avek lantouziast?
2. Ki pou pous nou pou fer nou maximum dan sa kanpagn-la?
2 Si nou medit lor bann bienfe ki noumem nou pou gagne dan sa banke spiritiel ki Jéhovah pe donn nou la, sa pou pous nou pou fer nou maximum dan sa kanpagn-la. (Is. 65:13, 14) Nou bizin rapel osi ki sak lane nou bann kanpagn donn bann bon rezilta. Parmi bann ki nou’nn invite, sertin pou vinn asiste lasanble ansam avek nou. Ninport ki kantite dimounn vini, seki konte se bann gran zefor ki nou’nn fer pandan sa kanpagn-la pou donn Jéhovah laglwar ek imit so zenerozite.—Ps. 145:3, 7; Rév. 22:17.
3. Kouma nou pou distribie bann linvitasion?
3 Sak komite ansien pou deside kouma kongregasion pou distribie bann linvitasion dan zot teritwar. Par exanp, zot pou deside si pou kit bann linvitasion kot bann absan ouswa dan bann plas piblik. Pandan wikenn, nou bizin ofer bann magazinn ansam avek sa linvitasion-la, kan li apropriye. Si premie Samdi tom pandan kanpagn linvitasion, nou pou konsantre plis lor distribision bann linvitasion olie ki nou koumans bann letid. Apre kanpagn, ki kantite kontan nou pou kontan kan nou pou realize ki nou’nn partisip avek lantouziast ek nou’nn invit maximum dimounn posib pou zwenn ar nou pou sa gran banke spiritiel-la!