Campagne pou l’Invitation Mémorial Pou Commencé 1^er Mars

1. Kan eski nou pou commence donne l’invitation Mémorial, ek kifer campagne-la pou pli longue sa l’année-la?

¹ Vendredi 1^er Mars, nou pou commence campagne ki nou faire toulé l’année pou invite bann dimoune pou assisté Mémorial avek nou. Mémorial pou tombe 26 Mars, alors sa vedir ki nou campagne pou inpé pli longue ki bann l’année avant. Sa pou donne pli beaucoup dimoune l’occasion pou gagne l’invitation, surtout si zot reste dan bann l’endroit kot congregation ena enn grand territoire.

2. Ki bann disposition inn prend pou ki gagne bann l’invitation ek couvert territoire?

² Couma Congregation Pou Organise Li: Bann ancien pou donne bann instruction lor couma pou couvert territoire. Par exemple, zot pou decidé si bizin quitte bann l’invitation kot bann absent. Si ena bann l’invitation ki’nn resté kan inn fini couvert territoire, bann proclamateur kapav distribué zot dan la voie publik. Surveillant service pou faire sur ki ena enn bon quantité l’invitation avek bann renseignement ki bizin, lor comptoir publication pou ki bann proclamateur kapav prend. Mais pa pou mette tou bann l’invitation enn sel coute. Nou bizin prend zis quantité l’invitation ki nou pou servi pou enn semaine.

3. Ki nou bizin rappel kan nou pé offert bann l’invitation?

³ Ki Nou Pou Dire? Li pli bon ki nou presentation courte parski sa pou permette nou zwenn pli beaucoup dimoune. Lor page 4 ena enn modele presentation ki nou kapav adapté ar nou territoire. Bien sur, fodé pa nou pressé pou allé si dimoune-la envie konn plus ou-soit ena bann question. Kan nou pé distribué bann l’invitation pendant week-end, nou bizin aussi offert bann magazine kan li approprié. Le 2 Mars, nou pou fixé l’objectif pou offert bann l’invitation au lieu ki nou commence bann l’etude la Bible.

4. Kifer nou bizin participe avek zele dan campagne Mémorial?

⁴ Nou esperé ki beaucoup dimoune pou vinn assisté Mémorial avek nou. Discours Mémorial pou expliké kisannla Jésus été vrai-mem. (1 Cor. 11:26) Nou pou comprend couma so la mort aide nou. (Rom. 6:23) Ek discours-la pou mette l’accent lor kifer li important ki nou rappel Jésus. (Jean 17:3) Alors, anou participe avek zele dan sa campagne-la!