Enn Linvitasion Direk
1. Kan eski kanpagn linvitasion pou lasanble koumanse?
1 Mazine to pe organiz enn repa spesial pou to fami ouswa to bann kamarad, enn repa ki koute ek ki demann boukou zefor, sirman to pou extra kontan kan to pou invit zot. Li parey osi pou nou lasanble ki pe vini. Bann frer inn travay dir pou organiz sa repa spiritiel-la. Alor, trwa semenn avan lasanble, Zeova donn nou privilez pou invit bann dimounn pou vinn asiste sa levennman-la. Ki pou ed nou ofer bann linvitasion avek lazwa?
2. Ki pou pous nou partisip afon dan kanpagn linvitasion?
2 Si nou reflesi lor tou bann bienfe ki nou gagne gras-a lansegnman ki Zeova donn nou dan bann lasanble, sa pou pous nou partisip afon dan sa kanpagn-la. (Iza. 65:13, 14) Fode pa nou bliye osi ki bann kanpagn ki ena toule lane, donn bann bon rezilta. (Get lankadre “Bann Bon Rezilta.”) Pa tou dimounn nou invite ki pou vinn lasanble. Selman, ninport ki kantite dimounn vini, seki pli inportan se ki bann zefor ki nou fer pandan kanpagn donn louanz Zeova ek montre so zenerozite.—Ps. 145:3, 7; Rev. 22:17.
3. Kouma nou pou distribie bann linvitasion?
3 Sak komite bann ansien bizin deside ki dispozision pou pran pou kapav distribie maximum linvitasion. Zot pou gete si bizin les bann linvitasion kot bann absan ek ofer zot kan pe prese dan bann plas piblik. Dan wikenn nou bizin ofer bann magazinn ansam avek sa linvitasion-la, kan li apropriye. Alafin kanpagn, nou pou resanti enn gran satisfaksion parski nou kone ki nou’nn partisip ladan avek tou to leker. To pou bien kontan osi kan to trouv maximum dimounn inn vinn asiste sa fet spiritiel ki Zeova inn prepare la!