Enn Campagne kot Gagne Bann Bon Resultat

Trois semaine avant zot l’assemblée, bann congregation pou participe ankor enn fois dan enn campagne. Zot pou invite bann dimoune interessé dan zot territoire pou assisté l’assemblée. Ena bann bon raison pou faire sa campagne ki faire toulé l’année-la. Bann ki accepté l’invitation ek vinn l’assemblée souvent impressionné par bann discours ki basé lor la Bible, bann diferan service ki’nn bien organisé kot ena zis bann volontaire ki pé travail, ek nou bon conduite ek nou l’unité. (Ps. 110:3; 133:1; Is. 65:13, 14) Mais, eski nou campagne gagne bann bon resultat dan bann l’endroit kot bann ki interessé bizin voyage enn longue distance pou vinn assisté l’assemblée?

Apré l’assemblée district 2011, enn filiale ti gagne enn lettre ar enn madame ki ti’nn trouve enn l’invitation dan so laport. En general, li ti habitué cachiette kan bann Témoins de Jéhovah ti tape so laport. Li ti ecrire: “Mo ena enn joli lakaz, enn missié extraordinaire, ek mo ti pensé ki mo ti ena tou seki mo ti bizin pou rann moi heureux. Malgré sa, mo ti toujours malheureux, ek mo pa ti vrai-mem ena enn but dan mo lavi. Alors, mo ti decidé pou roule 320 kilometre pou al assisté l’assemblée Samedi.” Li ti tellement apprecié l’assemblée ki li ti telephone so missié pou dire ki li ti pou resté a-soir pou assisté l’assemblée Dimanche aussi. “Mo ti ecoute tou bann discours, mo ti zwenn beaucoup Témoins de Jéhovah, ek mo ti decidé pou pa arrete-la-mem.” Apré ki li ti retourne kot li, li ti commence etudié ek apré quatre mois li ti vinn enn proclamateur non-baptisé. “Mo bien content ki mo’nn trouve sa I’invitation-la dan mo laport parski asterla mo vrai-mem ena enn but dan lavi!”

Certain ki pou gagne l’invitation pou assisté l’assemblée. Alors, anou participe avek zele dan sa campagne important-la. Kan ou pé vinn l’assemblée, amenn avek ou bann l’invitation ki’nn resté, ek servi zot pou donne temoignage informel.

[L’encadré page 5]

Couma Nou Pou Offert l’Invitation l’Assemblée?

Pou nou kapav couvert nou territoire, nou bizin bref. Nou kapav dire: “Bonjour. Nou pé participe dan enn campagne mondial pou distribué sa l’invitation-la. Sa c’est ou l’invitation. Ou pou gagne plis detail ladan.” Nou bizin ena l’enthousiasme. Kan nou pé participe dan sa campagne-la pendant week-end, nou bizin aussi offert bann periodik kan li approprié.