Fer enn Swivi Deswit

Depi ki nou sit Internet inn gagn enn nouvo look, kantite dimounn ki demann enn letid Labib pe ogmante dan enn fason extraordiner. Nou bann nouvo form predikasion an piblik osi finn pous boukou dimounn pou demann enn letid Labib. Biro nasional avoy sa bann demann-la pli vit posib. Par exanp, si enn dimounn demann enn letid lor jw.org, biro nasional avoy bann ansien ki res dan mem teritwar ki dimounn-la, enn ti not zis de zour plitar. Me, bann rapor montre ki bann ki’nn demann enn letid, pa finn gagn okenn vizit bann Temwin, mem apre plizir semenn. Kouma nou kapav fer sir ki dimounn-la gagn led ki bizin avan ki so lintere tonbe net?​—Marc 4:14, 15.

Si enn dimounn ki pa res dan to teritwar montre lintere, deswit to bizin ranpli enn form Veuillez suivre l’intérêt (S-43) ek prosin renion mem donn sa sekreter. Dan lespas enn ouswa de zour, sekreter bizin donn sa bann linformasion-la kongregasion ki konserne ouswa avoy sa biro nasional dan seksion Congrégation lor jw.org. Bann ansien bizin al lor sa sit-la souvan. Si zot gagn enn ti not pou al vizit enn dimounn dan zot teritwar, deswit zot pou demann enn proklamater pou al vizit li. Proklamater-la bizin konsider sa kouma enn priorite. Si dimounn-la pa la, to kapav kit enn ti mo ek to nimero telefonn, koumsa li kapav kontakte twa.