**Amelior Nou Bann Kapasite dan Nou Minister—Servi Liv Ki la Bible enseigné? pou Montre Kouma enn Letid Labib Deroule**

Kifer Li Inportan: Kitfwa boukou dimounn pa tro konpran ki nou pe rod dir kan nou ofer zot enn letid Labib gratis. Li posib ki zot panse ki zot pou bizin rant dan enn group pou fer letid ouswa swiv enn kour par korespondans. Olie ki nou zis ofer zot enn letid, kifer nou pa montre zot kouma enn letid deroule? Zis dan de-trwa minit, devan so laport mem, ou kapav montre enn dimounn kouma li fasil pou fer enn letid Labib ek kouma sa kapav fer li aprann boukou kitsoz.

Kouma To Kapav Fer Sa:

Apre ki to’nn prezant twa, demann dimounn-la si li trakase pou lavenir.
Dir ki boukou dimounn pans parey kouma li, ek montre li lalis bann sapit ki ena dan liv Ki la Bible enseigné? Explik li ki sa liv-la ena bann leson ki fasil pou konpran ek ki montre seki Labib ansegne konsernan lavenir ek lezot size. Demann li ki sapit ki interes-li.
Donn li enn kopi sa liv-la ek montre li sapit ki li finn swazir. Explik li ki dan bann paragraf apre, li pou gagn repons bann kestion ki poze dan koumansman sapit-la.
Demann dimounn-la si li ti pou kontan lir premie paragraf. Apre, lir kestion pou sa paragraf-la, ek examinn repons-la ansam. Lir ek koz lor bann verse Labib ki apiy repons-la. Montre li kouma ou finn soulign repons-la dan ou liv.
Examinn prosin paragraf, me sa fwa-la, demann dimounn-la pou esey reponn sa kestion-la dan so prop mo.
Remersie li, ek organiz ou pou revini enn lot fwa pou kontign sapit-la.
Si li apropriye, montre li video Comment se passe un cours biblique ? lor jw.org.

Pandan Sa Mwa-la, Esey Sa:

Priye Jéhovah pou beni ou bann zefor pou koumans enn letid Labib.—Phil. 2:13.
Servi liv Ki la Bible enseigné? ouswa montre video Comment se passe un cours biblique ? omwin enn fwa dan predikasion pou montre kouma enn letid Labib deroule.