Amelior Nou Bann Kapasite dan Nou Minister—Rann Temwaniaz par Interfonn

Kifer Li Inportan: Kitfwa nou per pou rann temwaniaz par interfonn. Me ki nou kapav fer pou pa les sa laper la diminie nou zel pou fer lebien? Li bon nou rapel ki sa form temwaniaz la, kitfwa se sel mwayin ki nou ena pou pres avek sertin dimounn. (Rom. 10:14) Bann lexperyans montre ki nou kapav donn enn bon temwaniaz par interfonn. (Get l’Annuaire 2011 p. 65-66, ek l’Annuaire 2000 p. 54 ¶3.) Anou examinn de-trwa sigzesion.

Kouma To Kapav Fer Sa:

Prepar enn ti prezantasion, ek ekrir li. Koumsa to pou kapav lir li direkteman avek dimounn-la par interfonn. Sa pou donn twa plis lasirans. Koumansman-mem dir dimounn-la kifer to la. Servi nom ki ena lor interfonn. Alafin, demann li si to kapav donn li (ouswa kit dan so bwat-o-let) enn trak ouswa enn magazinn, kot li pou gagn plis ransegnman.
Gard enn latitid pozitif. Fer enn sourir ek koze koumadir to pe koz fas-a-fas ar dimounn-la.
Relax ek koze koumadir to pe fer enn konversasion. Koz dan enn fason kler ek ase for. Pa fer tro boukou poz, ek pa koz tro vit osi.
Servi to bon zizman. Dan bann gran batiman, souvan ena plizir interfonn. Si nou res tro boukou letan dan lantre pou sonn tou bann interfonn, sa kapav trakas bann rezidan. Alor, kitfwa to pou deside pou sonn zis trwa ou kat, not bann ki to’nn fini ek apre ale.

Pandan Sa Mwa-la, Esey Sa:

Pandan ladorasion an fami, fer bann ti demonstrasion kot bann partisipan donn ledo zot kamarad.