Amelior Nou Bann Kapasite dan Nou Minister—Prese par Interfonn Ouswa Kamera

KIFER LI INPORTAN: Avek bann progre dan teknolozi ek bann aksion ilegal ki pe ogmante, pli ale pli boukou lakaz ekipe avek bann kamera sekirite ek bann interfonn. Kitfwa nou santi nou inpe strese kan nou esey pres avek enn dimounn ki nou pa trouve me ki kapav trouv nou. Bann pwin ki nou pou examine pou ed nou ena plis konfians kan nou pres par interfonn ouswa kamera.

KOUMA TO KAPAV FER SA:

• To bizin pozitif. Boukou dimounn ki ena enn interfonn ouswa enn kamera dispoze koz avek nou

• Rapel ki sertin kamera koumans anrezistre avan ki nou pez sonet ek ki dimounn-la kapav trouv nou ek ekout nou kouma nou koste kot so laport

• Kan dimounn-la reponn, koz ar interfonn-la ouswa ar kamera-la parey kouma to ti pou koz ar dimounn-la. Fer enn sourir ek azir dan enn fason natirel. Dir mem kitsoz ki to ti prevwar pou dir si dimounn-la ti devan twa. Si ena enn kamera, pa met to figir tro pre. Si dimounn-la pa reponn, pa kit okenn mesaz

• Apre lafin konversasion-la, rapel ki dimounn-la kitfwa ankor pe trouv twa ouswa tann twa