Servi “Anou Dekouver Seki Ena dan Parol Bondie”—Pou Koumans enn Konversasion
1. Ki nouvo zouti nou’nn gagne pou nou minister?
1 Dan Labib revize New World Translation, an Angle, koumansman ena enn seksion ki apel “Anou Dekouver Seki Ena dan Parol Bondie.” Kouma nou kapav servi sa nouvo zouti-la kan nou pe prepar bann prezantasion pou nou minister? Anba sak kestion biblik, ena plizir verse Labib ki site, parey kouma dan liv Comment raisonner. Sa kapav ed nou pou koumans bann konversasion.
2. Kouma nou kapav servi “Anou Dekouver Seki ena dan Parol Bondie” dan nou minister?
2 To kapav servi kestion 8 ek dir: “Nou pe rann enn ti vizit bann dimounn dan landrwa, parski boukou demann zotmem: ‘Eski se Bondie ki responsab bann soufrans?’ [Dan sertin teritwar, li pli bon montre dimounn-la kestion-la.] Me ou, ki ou panse? [Les dimounn-la reponn.] Labib donn enn bon repons pou sa kestion-la.” Lir ek examinn omwin enn verse direk dan Labib. Si dimounn-la interese, montre li sa 20 kestion ki ena dan lintrodiksion-la, ek demann li pou swazir enn ladan ki to kapav examine dan prosin vizit. Ouswa, to kapav ofer dimounn-la enn piblikasion ki servi pou fer letid, ki koz lor sa size-la.
3. Kouma nou kapav servi “Anou Dekouver Seki ena dan Parol Bondie” pou koumans bann konversasion dan bann teritwar kot bann dimounn pa Kretien?
3 Kestion 4, ek 13 ziska 17 zot sirtou bien itil kan nou pres dan bann teritwar kot bann dimounn pa Kretien. Par exanp, to kapav servi bann ransegnman ki ena anba kestion 17 ek dir: “Nou pe rann enn ti vizit bann fami. Sirman ou pou dakor ki bann fami pe fer fas avek boukou problem azordi? [Les dimounn-la reponn.] Boukou koup finn trouv sa bann parol-la bien itil: “Madam-la li, li bizin ena enn profon respe pou so mari.” [Pa bizin to dir li ki sa sorti dan Efezien 5:33. Si to pe koz ar enn madam, to kapav sit bann parol ki trouv dan Efezien 5:28.] Eski ou panse sa konsey-la kapav itil dan maryaz?”
4. Alafin to konversasion avek enn dimounn ki pa Kretien, ki to kapav fer?
4 Alafin to konversasion, fer laranzman pou re-vizit dimounn-la. Kitfwa to kapav examinn enn lot verse anba kestion ki to’nn servi. Swazir bon moman pou dir dimounn-la ki bann parol to’nn partaz avek li, sorti dan Labib. Reflesi lor dernie konversasion ki to’nn gagne ek fason ki dimounn-la konsider Labib, pou ofer li enn piblikasion ki to panse pou interes li.—Get sipleman dan Nou Minister Desam 2013.