Amelior Nou Bann Kapasite dan Nou Minister​—Prepar Bien Nou Lintrodiksion

Kifer Li Inportan: Si nou lintrodiksion pa interesan, sa dimounn ki pe ekout nou la kapav aret nou konversasion avan mem ki nou reisi rann li temwaniaz. Ala kifer, pou boukou proklamater, se zot lintrodiksion ki parti pli inportan dan zot prezantasion. Dan Nou Minister ek dan liv Comment raisonner ena bann model prezantasion. Me, dan sa bann prezantasion-la pa touletan ki ena enn lintrodiksion konple. Kifer? Pou nou kapav adapte li ar diferan sitiasion. Mem si enn prezantasion li konple, bann proklamater kapav sanz li ouswa prepar zot prop lintrodiksion. Nou pou pli efikas si nou prepar bien nou lintrodiksion olie ki nou dir seki pas par nou latet kan dimounn-la pe ouver so laport.​—Prov. 15:28.