Watchtower BIBLIOTEK LOR INTERNET

BIBLIOTEK LOR INTERNET

mwb16 Avril p. 3
Ankouraz ek Fortifie Lezot Avek Bann Parol Zanti

Nou Lavi Kretien ek Nou Minister—Kaye Renion—2016

mwb16 Avril p. 3

BANN TREZOR DAN PAROL BONDIE | ZOB 16-20

Ankouraz ek Fortifie Lezot Avek Bann Parol Zanti

Enn dimounn ki donn konsey bizin ena bann parol ki fortifie lezot

16:4, 5

Zob ti dekouraze ek ti dan enn gran lapenn, alor li ti bizin ki lezot soutenir ek ankouraz li
Trwa kamarad Zob pa ti dir nanye pou rekonfort li. Okontrer, zot ti akiz Zob ek ti dir bann kitsoz ki fer li plis lapenn

Bildad so bann parol blesan ti fer Zob boukou lapenn

19:2, 25

Zob ti kriye Bondie pou gagn enn soulazman—mem lamor li ti aksepte
Zob ti res konsantre lor lesperans rezireksion ek li ti kontign andire avek fidelite

Elifaz pe koz avek Zob, Bildad ek Sofar pe gete

BANN KI TI AKIZ ZOB

Elifaz:

Li posib ki Elifaz ti sorti Temann dan Edom. Zeremi 49:7 dekrir Temann kouma enn lavil kot ti ena bann Edomit bien edike
Li paret ki Elifaz ti pli aze ek ti ena plis linflians parmi sa trwa “konsolater[-la].” Limem ti koz an premie. Li ti fer trwa diskour ek ti koz pli lontan ki sa de lezot la

Bann fos lakizasion:

Li ti boufonn Zob parski li ti gard so lintegrite ek ti pretann ki Bondie pena konfians dan so bann serviter (Zob 4, 5)
Li ti dir ki Zob arogan, move, ek pena lakrint pou Bondie (Zob 15)
Li ti dir ki Zob kontan gagn plis ek ti inzis, ek li ti pretann ki bann dimounn pena okenn linportans pou Bondie (Zob 22)

Bildad:

Li ti enn desandan Shoua. Kitfwa li ti res pre ar larivier Efrat
Li ti deziem pou koze. So trwa diskour ti pli kourt ek ti pli blesan ki pou Elifaz

Bann fos lakizasion:

Li ti pretann ki bann garson Zob ti fer pese ek merit bann maler ki zot inn gagne. Li ti dir osi ki Zob pa krwar dan Bondie (Zob 8)
Li ti fer krwar ki Zob fer boukou pese (Zob 18)
Li ti dir ki pa vo lapenn ki enn dimounn gard so lintegrite (Zob 25)

Sofar:

Enn Naamatit. Posib li ti sorti dan nor-wes Arabi
Li ti trwaziem pou koze ek li ti fer bann lakizasion pli dir. Li ti fer zis de diskour

Bann fos lakizasion:

Li ti dir Zob ki so bann parol pena sans ek ki li bizin aret so bann move pratik (Zob 11)
Li ti pretann ki Zob move ek kontan fer pese (Job 20)