Amelior Nou Bann Kapasite dan Nou Minister—Ed Bann Etidian Labib pou Vwe Zot Lavi ar Zeova ek Pran Batem

KIFER LI INPORTAN: Pou gagn faver Zeova, bann etidian Labib bizin vwe zot lavi ar Zeova ek pran batem. (1Pi 3:21) Lerla, bann ki viv an-akor avek zot ve gagn proteksion Zeova lor plan spiritiel. (Ps 91:1, 2, NW.) Se ar Zeova ki enn Kretien vwe so lavi, pa ar enn dimounn, enn travay, ouswa enn lorganizasion. Akoz sa, bann etidian Labib bizin aprann pou kontan Bondie ek ena rekonesans anver Li.​—Rom 14:7, 8.

KOUMA TO KAPAV FER SA:

• Dan letid, demann to etidian ki sa bann lansegnman-la pe aprann li lor Zeova. Met laksan lor linportans pou lir Labib toulezour ek pou priye Zeova “toultan.”​—1Tes 5:17; Zak 4:8

• Ankouraz to etidian pou fixe lobzektif pou vwe so lavi ar Bondie ek pran batem. Ed li osi pou ena lezot ti lobzektif kouma par exanp, fer komanter dan renion ouswa rann temwaniaz ar bann vwazin ek bann koleg travay. Rapel ki Zeova pa fors personn pou servi Li. Enn dimounn bizin deside par limem si li pou vwe so lavi ar Bondie ouswa non.​—Dt 30:19, 20

• Ankouraz to etidian pou fer bann sanzman ki bizin pou fer plezir Zeova ek pou kalifie li pou pran batem. (Pr 27:11) Parfwa ena sertin defo ek labitid ki bien anrasine, alor kitfwa to pou bizin kontign ed to etidian pou tir so vie personalite ek met nouvo personalite lor li. (Ef 4:22-24) Montre li bann lartik “Labib Sanz Bann Dimounn” ki trouv dan Latour Degard.

• Rakont li bann lazwa ki to’nn gagne dan to servis pou Zeova.​—Iz 48:17, 18