Form Zot pou Servi Zeova dan enn Fason Regilie

Lexperyans montre ki bann nouvo proklamater vinn pli efikas si depi koumansman zot gagn enn bon formasion pou partisip dan predikasion dan enn fason regilie ek avek zel. (Pr 22:6; Fil 3:16, NW.) Anou get bann lide pratik ki kapav ed enn etidian pou devlop enn bon baz pou so minister:

• Kan to etidian finn vinn enn proklamater, koumans so formasion. (km-CE 8/15 1) Fer li konpran linportans pou partisip dan predikasion toule semenn, sa bizin form parti so bann bon labitid spiritiel. (Fil 1:10, NW.) Fer bann komanter pozitif lor zot teritwar. (Fil 4:8, NW.) Ankouraz li pou pres avek so sirveyan group ek bann lezot proklamater pou ki li kapav profit zot lexperyans.​—Pr 1:5; km-CE 10/12 6 ¶3

  

• Apre ki to etidian inn pran batem, pa aret ankouraz li ek kontign form li dan so minister, sirtou si li pankor terminn so letid dan liv “L’amour Bondie.”​—km-CE 12/13 7

  

• Servi enn prezantasion ki sinp kan to pe pres ansam avek enn nouvo proklamater. Apre ki to’nn tann so prezantasion, felisit li bien. Donn li bann lide pratik ki pou ed li pou vinn pli efikas.​—km-CE 5/10 7