Amelior Nou Bann Kapasite dan Nou Minister—Fer enn Vizit

KIFER LI INPORTAN: Boukou dimounn ki interese ar mesaz lor Rwayom Bondie pe rod konn laverite lor Bondie. (Iz 55:6) Pou ki nou kapav ansegn zot tigit-tigit, nou bizin kontign re-vizit zot. Bann dimounn fer fas ar diferan problem, alor fason ki nou swiv zot lintere pa pou parey. Me selman, nou pou pli efikas si nou prepar nou bien ek nou fixe enn lobzektif pou sak vizit, pou ki alafin nou koumans enn letid Labib.

KOUMA TO KAPAV FER SA:

• Fer zefor pou retourne vit, kitfwa mem apre de-trwa zour.​—Mt 13:19

• Montre twa amikal ek montre respe. Pa strese

• Pou koumanse fer enn sourir ek dir dimounn-la bonzour. Servi nom dimounn-la. Rapel li kifer to’nn retourne​—kitfwa pou reponn enn kestion, amenn dernie magazinn, montre nou sit Internet, montre enn video, ouswa pou montre kouma enn letid Labib deroule. Adapte to konversasion si ena enn lot size ki pe interes li.​—Fil 2:4

• Aroz lagrin laverite ki finn seme dan so leker kan to partaz enn verse Labib avek li ek kitfwa to kapav kit enn piblikasion. (1Ko 3:6) Esey fer kamarad ar li

• Prepar terin pou prosin vizit