Amelior Nou Bann Kapasite dan Nou Minister​—Prepar Terin pou enn Vizit

Kifer Li Inportan: Kan nou zwenn enn dimounn ki montre lintere, nou ti pou bien kontan rezwenn li dan enn ler kot li pou lakaz. Koumsa, nou kapav aroz bann lagrin laverite ki nou finn plante. (1 Cor. 3:6) Bien souvan li pli bon ki, avan mem nou kit dimounn-la, nou esey kone kan nou kapav retourne. Li bon osi ki nou poz enn kestion ki nou kapav examine prosenn fwa ki nou pou vizit dimounn-la. Si nou fer sa, dimounn-la pou atann nou avek inpasians. Anplis, si repons sa kestion-la trouv dan piblikasion ki nou finn lese, li pou pli anvi lir li. Li pli fasil osi pou fer enn vizit kan nou’nn fini prepar terin pou enn prosin konversasion. Kifer? Parski nou’nn deza swazir size lor ki nou pou koze ek dimounn-la pe atann ki nou pou retourne. Kan nou zwenn dimounn-la, nou kapav dir li ki nou’nn retourne pou reponn kestion ki nou ti poze dernie fwa.