Ki To Kapav Aprann ar Bann Sante Orizinal?

Ki to bann sante orizinal prefere, ek kifer? Eski to panse ki sa bann video-la montre seki pase dan nou lavi toulezour? Ena diferan tem ek stil lamizik, alor pena dout ki pou ena omwin enn ki pou tous sakenn parmi nou personelman. Me selman, bann sante orizinal ek zot bann klip video zot plis ki bann divertisman.

Sak sante orizinal ansegn nou bann leson pratik ki nou kapav aplike dan nou minister ek nou lavi antan ki Kretien. Sertin sante koz lor lospitalite, linite, lamitie, kouraz, lamour, ouswa lafwa. Lezot sante koz lor retourn ver Zeova, pardon, gard nou fidelite sak zour, ek ena bann lobzektif spiritiel. Ena mem enn sante orizinal ki koz lor kouma pou servi bann portab dan enn fason ekilibre. Ki bann lezot leson pratik to’nn trouve dan bann sante orizinal?

GET VIDEO SANTE ORIZINAL LI ZIS DEVAN NOU, EK APRE SA, REPONN SA BANN KESTION-LA:

• Lor ki benediksion ki pou ena dan lavenir sa koup aze-la pe reflesi?​—Ze 12:3

• Kouma nou kapav fortifie nou lafwa dan kapasite ki Zeova ena pou realiz so bann promes?

• Kisannla nou pou kontan pou rezwenn biento dan paradi?

• Kouma lespwar konsernan Rwayom Bondie ed nou pou fer fas ar bann leprev ki nou pe gagne azordi?​—Rom 8:25