Amelior Nou Bann Kapasite dan Nou Minister—Pres Avek Bann Aveg

KIFER LI INPORTAN: Boukou dimounn ki aveg zene pou koz avek bann etranze. Alor, pou nou kapav pres ar zot nou bizin devlop sertin kapasite. Zeova gagn traka bann dimounn ki aveg ek Li bien kontan zot. (Lv 19:14) Nou kapav imit so lexanp kan nou pran linisiativ pou ed bann dimounn ki aveg vinn kamarad Zeova.

KOUMA TO KAPAV FER SA:

• “Rod” bann dimounn ki aveg. (Mt 10:11) Eski to konn enn dimounn ki ena enn fami ki aveg? Eski dan to teritwar ena bann lekol, bann home ouswa bann lorganizasion pou bann aveg, ki ti pou kontan gagn bann piblikasion ki’nn fer pou sa bann dimounn-la?

• Montre enn lintere sinser. Kan to amikal ek montre ki to interese avek enn dimounn ki aveg, sa pou ed li pou santi li alez. Esey koz lor enn kitsoz ki pou interes dimounn-la

• Ed zot pou gagn bann piblikasion ki pou ed zot konn Zeova. Pou ed bann aveg ek bann malvwayan, lorganizasion finn prodir bann piblikasion dan plizir forma. Demann dimounn-la lekel li prefer Responsab predikasion bizin fer sir ki bann frer ki okip piblikasion pas komann bann piblikasion dan forma ki dimounn aveg-la kontan.