Kouma pou Servi Bann Model Konversasion?

Depi Zanvie 2018, ena bann model konversasion lor kouvertir Nou Lavi Kretien ek Nou Minister​—Kaye Renion. Kouma nou kapav servi zot?

Kan To Ena enn Devwar: To bizin servi kestion, verse, ek kestion pou prosin vizit ki ena dan model konversasion. Me selman, sa pa vedir ki to bizin repet exakteman seki ena dan video model konversasion. To kapav servi enn lot kontex, enn lot introdiksion, enn lot rezonnman, ek lezot kitsoz ankor. To kapav osi propoz enn piblikasion ki ena dan nou Kes Zouti pou Ansegne, mem si pa’nn mansionn sa dan bann instriksion pou sa parti-la.

Kan To Pe Prese: Ena bann lide bien itil dan bann model konversasion. Si enn dimounn montre lintere ek anvi konn plis, to kapav kontign konversasion-la ek kitfwa servi bann lide ki ena dan model konversasion pou vizit. To kapav adapte bann model konversasion-la ouswa servi enn kitsoz ki diferan net. Eski bann dimounn dan to teritwar pou plis touse si to servi enn lot verse ouswa enn size ki ti ena dan enn lot model konversasion? Eski bann dimounn dan to teritwar plis interese ar enn levennman ki pe pase dan to pei? To kapav servi bann model konversasion dan diferan fason, me to bizin fer li avek sa lobzektif-la: “Fer tou kitsoz akoz bonn nouvel, pou ki . . . [to] partaz sa avek lezot.”​—1Ko 9: 22, 23, NW.