Kouma pou Servi Bann Model Konversasion?

Bann frer travay bien dir pou prepar bann model konversasion, ek bann proklamater trouve ki zot bien efikas dan teritwar. Me selman, dan zot minister, bann proklamater kapav sanz fason ki zot koumans enn konversasion ouswa koz lor enn lot tem ki pou tous leker bann dimounn dan zot teritwar. Biensir, kan ena enn kanpagn spesial, nou pou swiv bann linstriksion ki donn nou. Nou lobzektif se pou obeir lord ki Zezi inn donn nou pou pres bon nouvel lor Rwayom.​—Mt 24:14.

Kan zot pe prepar zot devwar, bann proklamater bizin koz lor tem model konversasion ki ena dan Kaye Renion Lavi Kretien ek Minister (par exanp, tem pou mwa Ziliet ek Out, se Proze Bondie). Me selman, si pena okenn linstriksion presi dan kaye, zot kapav servi enn lot kestion, enn lot verse, enn lot kestion pou prosin vizit, ouswa servi enn lot kad ki adapte ar zot teritwar. Sa sanz linstriksion ki ti ena lor paz 8 dan kaye renion Zin 2020.