Loue Zeova kan To Fer Pionie

Bann Izraelit ti ena bann bon rezon pou loue Zeova. Li ti fer zot sorti Lezip ek ti delivre zot ar larme Faraon! (Ex 15:1, 2) Zeova kontign fer bann bon kitsoz pou so pep. Kouma nou kapav montre Li nou rekonesans?​—Ps 116:12.

Enn fason pou fer sa, se kan nou fer pionie tanporer ouswa pionie permanan. To kapav priye Zeova pou ki Li fer twa gagn dezir ek lafors pou pran servis pionie. (Fil 2:13) Boukou inn koumans par fer pionie tanporer. To kapav swazir pou fer 30 ouswa 50 er pandan bann mwa Mars ek Avril, ek pandan mwa kot responsab sirkonskripsion pou vizit to lasanble. Kan to pou trouve kouma servis pionie tanporer rann twa ere, kitfwa to pou anvi fer zefor pou servi kouma pionie permanan. Mem sertin ki travay full-time ouswa ki ena bann problem lasante pe reisi servi kouma pionie permanan. (mwb16.07 8) Wi, vremem Zeova merite ki nou fer tou zefor ki nou kapav pou loue Li!​—1Kr 16:25.

GET VIDEO TRWA SER DAN MONGOLI, EK APRE SA, REPONN SA BANN KESTION-LA:

• 

  Ki bann difikilte sa trwa ser-la finn sirmonte pou zot kapav vinn pionie?

• 

  Ki bann benediksion zot finn gagne?

• 

  Parski zot ti pionie permanan, ki bann lezot laport finn ouver pou zot dan zot servis pou Zeova?

• 

  Ki lefe zot lexanp finn ena lor lezot?