BANN TREZOR DAN PAROL BONDIE | EXOD 35-36

Ekipe pou Fer Travay Zeova

Lespri sin Zeova ti ed Bezalel ek Oholiab pou swiv an detay plan ki ti ena pou tabernak. Azordi osi, Zeova donn so bann serviter so lespri sin ki bien pwisan. Kouma lespri sin Zeova kapav ed nou?

Nou bizin priye pou ki lespri sin Zeova amelior ninport ki kapasite nou ena dan nou servis pou Zeova
Nou bizin etidie Parol Bondie regilierman
Nou bizin fer nou maximum pou akonpli ninport ki responsabilite ki nou gagne

Zimaz: Bann Temwin Zeova pe fer diferan kitsoz dan lorganizasion. 1. Bann ser pe ede lor konstriksion. 2. Enn frer pe prepar li pou diriz letid ‘Latour Degard.’ 3. Enn frer pe pres avek enn marsan pandan ki enn lot frer pe veye si ena bann opozan. 4. Enn koup pe asiste Lekol pou Bann Evanzelizater Rwayom Bondie.

Ki bann responsabilite Zeova kapav ed twa akonpli?