NOU LAVI KRETIEN
Bann Lasanble Rezional—Enn Lokazion pou Montre Lamour
Kifer nou kontan nou bann lasanble rezional sa kantite-la? Parey kouma pep Izrael dan lepase, bann lasanble rezional dan nou lepok donn nou lokazion pou ador Zeova avek bann santenn, ek ena fwa mem avek bann milye, lezot adorater Zeova. Nou kontan tou bann linformasion ki nou gagne pou ed nou res pros avek Zeova. Letan ki nou pase avek nou bann kamarad ek nou fami, ena osi boukou valer pou nou. Nou gran rekonesans pous nou pou asiste toule-trwa zour lasanble rezional.
Kan nou gagn lokazion pou rasanble ansam, fode pa ki nou reflesi zis lor seki nou kapav gagne personelman, me nou bizin reflesi osi lor kouma nou kapav montre lezot ki nou kontan zot. (Ga 6:10; Eb 10:24, 25) Kan nou tini laport pou nou bann frer ek ser, ouswa kan nou gard zis bann plas ki nou pou bizin, nou montre ki nou pe rod lintere lezot avan. (Fil 2:3, 4) Bann lasanble rezional donn nou enn bon lokazion pou fer bann nouvo kamarad. Avan ek apre program ek pandan poz dezene, nou kapav fixe lobzektif pou koz avek bann dimounn ki nou pa kone. (2Ko 6:13) Kitfwa nou kapav koumans enn lamitie ki pou dire pou touletan. Me seki pli inportan, kan bann dimounn pou trouv nou pe montre vre lamour, sa kapav pous zot pou servi Zeova ansam avek nou.—Zn 13:35.
GET VIDEO BANN LASANBLE INTERNASIONAL “LAMOUR PA POU DISPARET ZAME”!, EK APRE SA, REPONN SA BANN KESTION-LA:
Kouma bann frer ek ser finn montre lamour anver bann delege pandan bann lasanble internasional 2019?
Kifer lamour ek linite ki ena parmi pep Zeova li enn kitsoz ki extraordiner?
Lor ki bann kitsoz konsernan lamour Kretien, bann manb Komite Santral finn met laksan?
Kouma to kapav fer to par pou montre lamour pandan nou bann lasanble rezional?
Kouma lamour Kretien finn ini nou bann frer ek ser dan Lalmagn ek dan Sid-Kore?
Ki nou bien deside pou fer?