Servi Brosir ek Liv Viv Ere pou Touletan! dan To Minister

Nou extra kontan pou ena enn nouvo brosir ek enn nouvo liv pou fer bann letid Labib! Nou priye Zeova pou ki Li beni bann zefor ki nou pe fer pou kapav fer boukou plis disip. (Mt 28:18-20; 1Ko 3:6-9) Kouma nou kapav servi sa bann nouvo zouti-la?

Avek sa de piblikasion-la, nou pou fer letid dan enn nouvo fason, setadir dan form enn konversasion. Alor, swiv sa bann letap-la kan to pe prepar ek fer to bann letid Labib.a

• Lir leson-la ek examinn bann kestion ki ena

• Lir bann verse kot inn ekrir “lir,” ek ed etidian-la pou kone kouma li kapav aplik zot dan so lavi

• Zwe ek examinn bann video, ek reponn bann kestion ki ena

• Esey koumans ek fini enn leson sak fwa to fer letid

Dan predikasion, servi brosir-la pou kone si dimounn-la vremem interese. (Get lankadre “Kouma pou Prezant Brosir Viv Ere pou Touletan! lor Premie Kontak?”) Kan zot inn fini etidie brosir-la ansam, si etidian-la anvi kontigne, donn li liv-la ek koumans leson 4. Si to deza pe etidie avek enn kikenn dan enn nou bann piblikasion ki servi pou fer letid, arete ek kontign dan liv Viv Ere pou Touletan! Swazir enn leson ladan pou koumanse.

GET VIDEO KOUMA OU LETID LABIB POU DEROULE?, EK APRE SA, REPONN SA BANN KESTION-LA:

• Ki bann etidian pou aprann dan sa nouvo liv-la?

• Kifer nou bizin montre sa video-la bann dimounn avek ki nou pe koumans etidie Labib?

• Ki bann lobzektif to bizin tigit-tigit ankouraz to etidian pou fixe?​—Get lankadre “Pwin Inportan ek Lobzektif pou Sak Seksion.”