Eski To Pe Servi Labib Odio?

Ki ete Labib odio? Labib odio se lanrezistreman Traduction du monde nouveau ki’nn revize. Tigit-tigit, li pe sorti dan boukou lang. Enn kitsoz interesan dan Labib odio se ki finn servi enn lavwa pou sak personaz dan Labib. Sa bann lekter-la lir mesaz ki ena dan Labib dan enn fason kler ek zot met bann santiman ki bizin.

Ki bann bienfe sertin gagne gras-a Labib odio? Bann ki abitie ekout Labib odio trouve ki sa fer Parol Bondie vinn boukou pli vivan. Kan zot tann lavwa bann diferan personaz, sa fer zot viv bann levennman ki ena dan Labib ek lerla, zot konpran pli bien seki finn ekrir. (Pr 4:5) Boukou finn osi trouve ki kan zot ekout Labib odio, sa soulaz zot kan zot trakase.​—Ps 94:19.

Kan nou tann enn kikenn lir Parol Bondie, sa kapav ena enn gran lefe lor nou lavi. (2Kr 34:19-21) Si Labib odio disponib an parti ouswa an-antie dan enn lang ki to konpran, eski to kapav pran labitid pou ekout li?

GET VIDEO PRODIKSION LABIB ODIO​—EXTRE, EK APRE SA, REPONN SA KESTION-LA:

Ki kitsoz inpresionn twa avek prodiksion Labib odio?