Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • wp22 No. 1 p. 8-9
  • 2 | Pa Rod Tir Vanzans

Pena video ki disponib pou seki ou finn swazir.

Sori, enn erer inn anpes sa video-la zwe.

  • 2 | Pa Rod Tir Vanzans
  • Latour Degard Pe Anons Rwayom Zeova (Edision Piblik)—2022
  • Soutit
  • Lor Mem Size
  • Seki Labib Ansegne:
  • Seki Savedir:
  • Seki Ou Kapav Fer:
  • Mo Ti enn Dimounn Amer ek Violan
    Latour Degard Pe Anons Rwayom Zeova (Edision Piblik)—2016
  • Nou Kapav Gagn Laviktwar lor Laenn!
    Latour Degard Pe Anons Rwayom Zeova (Edision Piblik)—2022
  • Kouma Nou Kapav Gagn Laviktwar lor Laenn?
    Latour Degard Pe Anons Rwayom Zeova (Edision Piblik)—2022
  • Introdiksion Seksion 7
    Bann leson to kapav aprann dan Labib
Rod Plis
Latour Degard Pe Anons Rwayom Zeova (Edision Piblik)—2022
wp22 No. 1 p. 8-9
De misie ki bien ankoler pe asiz sakenn zot kote lor bann brans enn pie. Toulede misie koup brans lor ki zot pe asize.

KOUMA NOU KAPAV GAGN LAVIKTWAR LOR LAENN?

2 | Pa Rod Tir Vanzans

Seki Labib Ansegne:

“Pa rann lemal pou lemal. . . . Otan ki posib viv dan lape ar tou dimoun. . . . Pa rod tir vanzans zotmem, . . . kouma Lekritir dir: ‘Mwa [“Zeova,” NW] ki pou tir vanzans, mwa ki pou regle kont.’”​—ROMIN 12:17-19.

Seki Savedir:

Mem si li normal ki nou ankoler kan lezot fer nou ditor, Bondie pa dakor ki nou tir vanzans. Plito, Li demann nou pou atann avek pasians ki Li azir parski biento Li pou repar tou bann linzistis.​—Psom 37:7, 10.

Seki Ou Kapav Fer:

Kan bann dimounn tir vanzans, sa fer ki laenn kontign fane. Alor, si kikenn inn bles ou ek fer ou ditor, pa tir vanzans. Esey kontrol ou bann lemosion ek azir dan enn fason kalm. Dan sertin sitiasion, sa kapav fer nou mwins soufer kan nou pas lor seki’nn arive. (Proverb 19:11) Biensir, ena fwa, nou bizin fer kone ki finn arive. Par exanp, dan bann sitiasion ki bien grav, kouma si nou viktim enn krim, nou kapav desid pou raport sa lapolis.

Kan nou tir vanzans, sa fer noumem ditor

Me ki ou pou fer, si li paret ki pena okenn fason pou rezoud sa problem-la dan lape? Ouswa, ki ou pou fer, si ou’nn fer tou seki ou kapav pou gard lape me nanye pa’nn marse? Pa rod tir vanzans. Kifer? Parski sa kapav fer sitiasion-la vinn pli pir. Dan plas tir vanzans, fer tou pou aret propaz laenn. Ou kapav ena konfians dan fason ki Bondie pou rezoud sa problem-la. “Met to konfians an li, e li pou ed twa.”​—Psom 37:3-5.

Enn Vre Zistwar—ADRIÁN

Finn Reisi Aret Tir Vanzans

Adrián.

Kan Adrián ti enn adolesan, li ti violan, ranpli avek laenn ek li pa ti ezite pou tir vanzans kan kikenn ti fer li ditor. Li rakonte: “Souvan mo ti inplike dan bann lager avek zarm, ek plizir fwa mo ti kouver ar disan ek bannla ti les mwa lor semin pou mor.”

Kan li ti ena 16 an, Adrián ti koumans etidie Labib. Li dir: “Amezir ki mo ti pe progrese dan mo letid Labib, mo ti trouve ki mo ti bizin fer bann sanzman dan mo personalite.” Li ti bizin rezet laenn ek aret lager. Seki li ti lir dan Romin 12:17-19 lor vanzans ti ena boukou lefe lor li. Li dir: “Avek letan, mo’nn aksepte ki se Zeova ki pou fer lazistis dan so fason ek dan ler ki Li’nn prevwar. Tigit-tigit, mo’nn sanze ek mo ti nepli violan.”

Enn aswar, enn group zenn ti vinn atak Adrián. Sef sa group-la ti kriye: “Defann twa!” Adrián rekonet: “Sa ler-la mo ti vremem anvi lager.” Me dan plas lager, li’nn fer enn ti lapriyer ar Zeova ek li’nn ale.

Adrián kontign rakonte: “So landemin mo ti krwaz ar sef sa group-la, me sann fwa la li ti tousel. Mo ti pe bwi kan mo ti trouv li ek mo ti anvi tir vanzans. Me ankor enn fwa, mo ti sipliy Zeova an silans pou Li ed mwa kontrol momem. Mo ti etone kan garson-la ti vinn direk ar mwa ek ti dir: ‘Exkiz mwa pou seki’nn arive yer swar. An-verite, mo anvi vinn kouma twa. Mo anvi etidie Labib.’ Mo ti extra kontan ki mo’nn reisi kontrol mo koler! Gras-a sa, nou finn kapav etidie Labib ansam.”

Lir plis lor biografi Adrián dan Latour Degard No. 5 2016, paz 14-15.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze