Rod Bann Perl Spiritiel ki To Kapav Met an Pratik

Kan nou lir Labib, nou kapav rod bann perl spiritiel kan nou fer bann resers. Me kouma nou kapav profit pli bien bann resers ki nou fer?

Etidie an profonder bann detay ki ena dan bann zistwar Labib. Par exanp, rode kisann-la inn ekrir sa, pou kisann-la inn ekrir sa, ek kan inn ekrir sa. Esey konpran osi dan ki kontex inn ekrir sa, ki’nn arive avan, ek ki’nn arive apre.

Tir bann leson kan to poz tomem bann kestion kouma: ‘Ki bann dimounn dan sa zistwar-la ti resanti? Ki bann kalite ouswa ki bann defo zot ti ena? Kifer mo bizin imit sa kalite-la ouswa rezet sa defo-la?’

Met bann leson-la an pratik kan to prese ouswa dan fason ki to azir avek lezot. Kan to fer sa, to montre ki to enn kikenn ki ena sazes parey kouma Labib dir: “Enn kikenn ki ena sazes pou obzerv sa bann kitsoz-la.”—Ps. 107:​43, NW.

• Tips: Gete kouma parti Bann Trezor dan Parol Bondie dan renion lasemenn kapav ed nou pou met an pratik seki nou aprann. Dan sa parti-la, souvan ena bann kestion ki nou kapav poz nou-mem, ek osi bann pwin ek bann zimaz lor ki nou kapav reflesi.