Etidie Avek Lobzektif pou Partaz ar Lezot Seki To Aprann

Nou santi nou bien kan nou etidie Labib. Me nou santi nou pli bien kan nou partaz ar lezot bann kitsoz ki nou’nn aprann dan Labib, ki’nn ed nou pou vinn pli pros ar Zeova. Proverb 11:25 dir: “Seki donn lezot delo pou bwar, pou donn li osi delo pou bwar.”

Kan nou partaz ar lezot seki nou aprann, sa ed nou pou konpran ek pou rapel pli bien seki nou’nn aprann. Ek nou bien kontan pou partaz seki nou’nn aprann ar lezot, parski sa kapav fer zot gagn bann bienfe.—Zist. 20:35.

Esey fer sa: Dan bann zour ki pe vini, rod enn lokazion pou partaz seki to’nn aprann ar enn kikenn. To kapav partaz sa ar enn manb to fami, ar enn kikenn dan to lasanble, ar enn koleg, ar enn kamarad lekol, ar enn vwazin, ouswa ar enn kikenn ki to’nn zwenn dan predikasion. Fer zefor pou partaz sa dan to prop mo ek dan enn fason kler ek sinp.

Pa bliye sa: Kan to partaz seki to aprann ar lezot, fer sa pou ankouraz zot, pa pou inpresionn zot.—1 Kor. 8:1.