Kifer Pe Kontign Ena Lager?

PESE

Bondie ti kree nou bann premie paran, Adan ek Ev, dan so resanblans. (Zenez 1:27) Savedir ki, dan enn fason natirel, zot ti pou reflekte Bondie so bann kalite, kouma lape ek lamour. (1 Korintien 14:33; 1 Zan 4:8) Me, Adan ek Ev ti dezobeir Bondie ek inn fer pese. Se pou sa ki nou tou nou finn erit pese ek lamor. (Romin 5:12) Parski nou finn erit pese, souvan nou ena bann move panse, ek sa amenn bann dimounn pou fer bann kitsoz violan.—Zenez 6:5; Mark 7:21, 22.

BANN GOUVERNMAN IMIN

Bondie pa ti kree nou pou nou diriz nou par noumem. Labib dir: “Enn dimounn ki pe marse pa’nn kree pou diriz so pa.” (Zeremi 10:23) Se pou sa ki bann gouvernman imin pa kapav eliminn net lager ek violans.

SATAN EK SO BANN DEMON

Labib montre ki “lemond antie li dan pouvwar sa kikenn ki move la.” (1 Zan 5:19) “Sa kikenn ki move la” se Satan Lediab, ek li enn asasin diabolik. (Zan 8:44) Li ek so bann demon inflians bann dimounn pou koumans bann lager ek pou vinn violan.—Revelasion 12:9, 12.