Anou etudié brochure Contigne Veillé!
A partir 23 mai ziska 20 juin 2005, bann congregation dan le monde entier pou etudié brochure Contigne Veillé! dan zot l’etude de livre. Servi sa bann question-la pou prepare ou l’etude, ek pou conduire l’etude-la. Pendant l’etude, lire bann paragraphe, ek si lé-temps permette, lire bann verset ki finn donné en reference.
Semaine 23 mai
◼ Page 3-4: Ki [bann] situation mentionné ici finn affecté ou personnellement? Ki kitsoz ki montré ki pa zis ou tousel ki affecté par sa bann situation-la?
◼ Page 5: Ki kitsoz convaink ou ki vrai-mem Bondié interessé ar ou? Ki nou kapav faire pou montré ki quantité nou interessé ar Bondié ek ar seki Li pé faire?
◼ Page 6-8: Dapré Matthieu 24:1-8, 14, bann condition ki ena dan lé-monde zordi, ki sa montré? Dapré 2 Timothée 3:1-5, dan ki lepok nou pé vive? Nou pé vive bann dernier jour ki kitsoz? Kifer ou sur ki la Bible li vrai-mem Parole Bondié? Ki été sa Royaume ki nou preché-la?
◼ Page 9-10: Kifer nou bizin examine bien bann decision ki nou prend chaque jour ek bann priorité ki nou ena dan nou la-vie? (Rom. 2:6; Gal. 6:7) Kan ou guette bann question ki trouve lor page 10, ki bann verset la Bible, ki bizin ena enn influence lor seki ou faire, vinn dan ou l’esprit?
Semaine 30 mai
◼ Page 11: Kifer eski nou bizin examine personnellement bann question ki ena lor sa page-la? (1 Cor. 10:12; Éph. 6:10-18) Couma eski nou bann reponse montré si nou pé prend conseil ki trouve dan Matthieu 24:44 au serieux ou-soit non?
◼ Page 12-14: Ki été “l’heure jugement” ki trouve dan Révélation 14:6, 7? Ki vedir “ena la crainte pou Bondié ek donne Li la gloire”? Ki été Babylone la Grande, ek ki pou arrive li? Concernant Babylone la Grande, ki nou bizin faire asterla mem? Ki kitsoz encore pou arrivé kan l’heure jugement vini? Parski nou pa koné ‘ki jour ni ki l’heure’ Bondié pou envoye so jugement, ki l’effet sa ena lor nou? (Mat. 25:13)
◼ Page 15: Ki question finn soulevé lor droit ki Jéhovah ena pou regné, ek couma eski sa concerne nou tou personnellement?
◼ Page 16-19: Ki été “bann nouveau lé-ciel” ek “nouveau la terre”? (2 Pierre 3:13) Kisannla ki finn promette nou sa bann kitsoz-la? Ki bann changement nouveau lé-ciel ek nouveau la terre pou amené? Eski nou pou kapav profite sa changement-la personnellement?
Semaine 6 juin
◼ Page 20-1: Ki l’avertissement Jésus ti donne so bann disciple dan premier siecle? (Luc 21:20, 21) Kan eski zot ti kapav sauvé? Kifer zot ti bizin sauvé sans tardé? (Mat. 24:16-18, 21) Kifer eski beaucoup dimoune pa prend compte bann warning? Ki bienfait plusieurs millier dimoune en Chine ek en Philippines finn gagné parski zot finn ecoute bann warning? Kifer eski li encore pli important pou ecoute warning ki trouve dan la Bible concernant la fin sa system-la? Parski pa reste beaucoup lé-temps, ki responsabilité nou ena? (Prov. 24:11, 12)
◼ Page 22-3: En 1974 en Australie, ek en 1985 en Colombie, kifer eski beaucoup pa finn prend compte bann warning, ek ki bann consequence sa finn ena? Couma ou pensé ou ti pou reagir si ou ti’nn tann sa bann warning-la, ek kifer? Couma nou kapav koné si nou ti pou ecoute warning dan lepok Noé? Kifer eski bann dimoune ti envie reste dan la ville Sodome? Ki bienfait nou kapav gagné kan nou reflechi lor seki ti arrivé en Sodome?
Semaine 13 juin
◼ Page 24-7: Servi bann “Questions d’etude” ki trouve lor page 27.
Semaine 20 juin
◼ Page 28-31: Servi bann “Questions d’etude” ki trouve lor page 31.
L’etude sa brochure-la pou aide nou pou ‘contigne veillé’ ek pou montré ki nou finn paré. Anou faire en sorte ki nou predication toujours montré ki sa message-la li bien urgent: “Ena la crainte pou Bondié, ek donne Li la gloire, parski l’heure so jugement finn arrivé.”—Mat. 24:42, 44; Rév. 14:7.