“Faire tou kitsoz a cause la bonne nouvelle”

1. Ki kitsoz enn predicateur Royaume Bondié pou envie faire pou lezot, ek kifer?

¹ L’apotre Paul ti senti ki li ti ena responsabilité pou preche la bonne nouvelle avek lezot. (1 Cor. 9:16, 19, 23) Nou aussi pareil, parski nou interessé avek bien-etre eternel bann dimoune, nou pou faire enn zeffort special pou partage la bonne nouvelle avek zot.

2. Kan nou preché, ki changement nou accepté pou faire, ek kifer?

² Preche kot ena dimoune ek kan ena dimoune: Enn bon pecheur pa envoye so la ligne ou-soit so filet dan l’heure ek dan l’endroit ki arrange li, mais dan l’heure ek dan place kot li ena plus chance gagne poisson. Nou aussi, en tant ki ‘bann ki lapeche bann dimoune,’ nou bizin adapté nou programme pou nou kapav trouve bann dimoune dan territoire. Coumsa nou pou gagne plus satisfaction pou “ramasse tou sorte qualité poisson.” (Mat. 4:19; 13:47) Eski nou kapav contacté bann dimoune kot zot dan tantot ou-soit boner gramatin kan nou preché lor la rue? Paul ti ena l’objectif pou ‘rann temoignage a fond lor la bonne nouvelle,’ ek li ti profite tou bann l’occasion approprié pou faire sa.—Actes 17:17; 20:20, 24.

3, 4. Kan nou dan ministere, dan ki fason nou kapav adapté-nou, ek ki resultat nou pou gagné?

³ Adapté ou presentation dapré besoin bann dimoune dan ou territoire: Bann pecheur souvent change zot bann methode la peche pou attrape poisson ki zot envie. Couma nou kapav presente la bonne nouvelle dan enn fason ki pou attire bann dimoune dan nou territoire? C’est kan, avek tact, nou commence koz lor enn sujet ki tracasse bann dimoune en general ek apré nou ecoute bien seki zot dire lor sa sujet-la. (Jacq. 1:19) Nou kapav demann zot seki zot pensé lor enn kitsoz pou encourage zot dire seki zot pensé. (Prov. 20:5) Coumsa, nou pou kapav adapté nou presentation la bonne nouvelle dan enn fason ki pou touche zot personnellement. Paul ti vinn “tou kitsoz pou tou sorte qualité dimoune.” (1 Cor. 9:22) Li bien important ki nou adapté nou presentation pou nou kapav touche leker bann dimoune.

⁴ Li vrai-mem enn la joie pou partage avek bann dimoune “enn bon nouvelle lor enn kitsoz ki pli bon”! (Is. 52:7) Anou “faire tou kitsoz a cause la bonne nouvelle” pou kapav gagne maximum dimoune possible.—1 Cor. 9:23.