Invit Bann Ki Pa Kapav Fer Boukou dan Zot Minister

Dan boukou kongregasion ena bann proklamater ki pa kapav fer boukou dan zot minister akoz bann problem lasante ouswa parski zot dan laz. (2 Cor. 4:16) Eski ou kapav invit enn kikenn ki dan sa sitiasion-la pou akonpagn ou fer letid? Si enn proklamater pa kapav sorti kot li, kitfwa ou kapav al fer letid kot li. Eski detanzantan ou kapav demann enn proklamater ki pena enn bon lasante pou akonpagn ou dan predikasion pou pres de-trwa lakaz ouswa fer enn-de vizit? Boukou proklamater ki aze ena bien lexperyans dan minister. Alor, gras-a ou bann zefor, pa zis zot tousel ki pou gagn bann lankourazman, me ou’si ou pou gagn bann bienfe. (Rom. 1:12) Anplis, Jéhovah pou rekonpans bann zefor ki ou fer pou montre lamour dan sa fason-la.​—Prov. 19:17; 1 Jean 3:17, 18.