Kestyon Ki Suleve

◼ Ki bann lavantaz ena, kan nu frekant kongregasyon ki dan teritwar kot nu reste?

Grasa kongregasyon, nu gayn lankurazman ‘ki pus nu pu ena lamur ek pu fer bann bon aksyon.’ (Ebre 10:24, 25) Dan kongregasyon nu aprann laverite ek nu ekipe pu ranpli nu responsabilite pu fer bann disip. (Mat. 28:19, 20) Nu gayn usi lafors pu andir bann difikilte avek fidelite. Ek nu ena usi bann ansyin ki avek lamur ed nu pu fer fas ar sa kantite presyon ek traka ki nu gayne la. Vremem, kongregasyon li inportan pu ki nu res aktif lor plan spirityel. Me, eski ena bann lavantaz kan nu frekant kongregasyon ki dan teritwar kot nu reste?

Sityasyon sak dimunn pa parey, bann sityasyon kuma travay, enn konzwin ki pa krwayan, ek transpor kapav fer ki enn kikenn finalman deside pu swazir ki kongregasyon li pu frekante. Purtan, ena vremem bann lavantaz spirityel ek lezot lavantaz kan enn kikenn frekant kongregasyon ki dan teritwar kot li reste. Bann ansyin pu kapav kontakte tu bann proklamater pli vit kan ena problem. Dan lepase ti ena bann Kestyon Ki Suleve ki ti atir latansyon lor bann lezot lavantaz.—Me 1991, Ut 1976.

An zeneral, li pli bon ki nu asiste reynion ki pli pre ar nu, kumsa nu kapav ariv boner pu koz avek lezot, pu okip bann kitsoz ki nu ena pu fer, ek usi pu partisip dan kantik ek lapriyer. Kan ena bann nuvo ki res dan nu vwazinaz, li pli fasil pu zwenn zot, pu etidye ar zot, ek pu amenn zot reynion ki pli fasil pu zot asiste.

Nu sir ki bann sef fami pu konsider sa size la dan lapriyer. Ek zot pu egzaminn tu bann pwin pu zot kapav deside, ki pli bon pu byinet spirityel ek fizik zot fami.—1 Tim. 5:8.