Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • w13 1/3 p. 4
  • Moïse—Enn Zom Ki Ti Ena la Foi

Pena video ki disponib pou seki ou finn swazir.

Sori, enn erer inn anpes sa video-la zwe.

  • Moïse—Enn Zom Ki Ti Ena la Foi
  • La Tour de Garde pé annonce Royaume Jéhovah—2013
  • Lor Mem Size
  • Imit Lafwa Moïse
    Latour Degard Pe Anons Rwayom Jéhovah—2014
  • Eski Ou Trouv “Bondie Ki Invizib”?
    Latour Degard Pe Anons Rwayom Jéhovah—2014
  • Anou aprann fason ki Jehovah agir
    La Tour de Garde pé annonce Royaume Jéhovah—2005
  • Moïse—Enn Zom Ki Ti Ena l’Amour
    La Tour de Garde pé annonce Royaume Jéhovah—2013
Rod Plis
La Tour de Garde pé annonce Royaume Jéhovah—2013
w13 1/3 p. 4

Moïse​—Enn Zom Ki Ti Ena la Foi

KI ÉTÉ LA FOI?

Dan la Bible, “la foi” implik ena enn croyance ki basé lor bann preuve solide. Enn dimoune ki ena la foi dan Bondié ena l’assurance ki Li pou realise tou So bann promesse.

[Zimage page 4]

COUMA MOÏSE TI MANIFESTÉ LA FOI?

La vie Moïse ti tourne autour bann promesse Bondié. (Genèse 22:15-18) Li ti ena l’occasion pou vive enn la vie confortable dan luxe en Égypte, mais li’nn refusé, “kan li ti choisir pou gagne maltraité ensam avek peuple Bondié au lieu ki profite plaisir temporaire ki gagné dan peché.” (Hébreux 11:25) Eski sa ti enn decision ki li ti prend lor enn coute-tête ek ki li ti regretté apré? Non, parski la Bible dire ki Moïse “ti tini ferme, coumadir li ti pé trouve sa Kikenn ki invisible-la.” (Hébreux 11:27) Moïse jamais inn regrette so bann choix ki ti basé lor so la foi.

Moïse ti aide lezot pou ena enn la foi pli solide. Par exemple, guette ki ti arrivé kan bann Israélite ti retrouve-zot coumadir dan enn piege entre l’armée Pharaon ek la Mer Rouge. Bann Israélite ti gagne extra peur. Pou zot, pa ti ena okenn chemin sorti, alors, zot ti criyé vers Jéhovah ek Moïse. Couma Moïse ti reagir?

Kitfois Moïse pa ti ena okenn l’idée ki Bondié ti pré pou ouvert la Mer Rouge pou ki bann Israélite reussi sapé. Mais selman, Moïse ti ena confiance ki Bondié ti pou faire kitsoz pou protege So peuple. Ek Moïse ti envie ki lezot Israélite ena mem l’assurance. Nou lire: “Moïse ti dire le peuple: ‘Pa peur. Tini ferme ek guette delivrance ki Jéhovah pou amené pou zot zordi.’” (Exode 14:13) Eski Moïse ti reussi aide bann Israélite pou ena enn la foi pli solide? Oui, parski la Bible dire concernant Moïse ek tou bann Israélite: “Par la foi, zot finn traverse la Mer Rouge coumadir lor la terre sec.” (Hébreux 11:29) C’est pa zis Moïse ki’nn tire profit ar so la foi, mais aussi n’importe kisannla ki ti comprend ki li sage pou ena la foi en Jéhovah.

KI BANN LESON NOU TIRÉ?

Nou kapav imite Moïse kan nou faire nou la vie tourne autour bann promesse Bondié. Par exemple, Bondié promette pou donne nou seki nou bizin lor plan materiel si nou mette so l’adoration en premier dan nou la vie. (Matthieu 6:33) Li vrai ki nou kapav trouve sa difficile pou pa mette bann kitsoz materiel en premier dan nou la vie, alors ki la plupart dimoune pé faire sa zordi. Mais nou kapav sur ki si nou faire tou seki nou kapav pou amenn enn la vie simple ek concentré-nou lor nou service pou Jéhovah, Li pou donne nou tou seki nou bizin. Li donne sa garantie-la: “Jamais mo pou quitte toi, ni mo pou abandonne toi.”​—Hébreux 13:5.

[Zimage page 4]

Nou faire aussi bann grand zeffort pou aide lezot gagne enn la foi pli solide. Par exemple, bann parent ki sage reconette ki zot ena enn grand privilege pou aide zot bann zenfant developpe la foi dan Bondié. A mesure ki zot grandi, li important ki bann zenfant koné ki Bondié existé ek ki Li’nn donne nou bann principe lor seki bon ek lor seki pa bon. En plus, zot bizin ena l’assurance ki suive bann principe Bondié c’est sa-mem pli bon fason vive. (Isaïe 48:17, 18) Bann parent donne zot zenfant enn cadeau ki ena beaucoup valeur kan zot aide zot pou ena la foi ki Bondié “vrai-mem existé ek Li recompense bann ki essaye rod Li sincerement.”​—Hébreux 11:6, Holy Bible​—Easy-to-Read Version.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze