Kestion Ki’nn Souleve

◼ Kan eski li apropriye pou aret enn letid Labib?

Si enn etidian pe aret fer bann progre lor plan spiritiel, kitfwa avek takt to pou bizin aret fer so letid. (Mat. 10:11) Poz tomem sa bann kestion-la: Eski li ankor respekte ler ki nou ti abitie fer letid? Eski li prepar so letid alavans? Eski li’nn asiste sertin renion? Eski li partaz seki li pe aprann avek lezot? Eski li pe fer bann sanzman dapre bann prinsip ki ena dan Labib? Biensir, nou bizin pran an konsiderasion laz ek kapasite dimounn-la. Nou bizin rekonet ki sak dimounn pa fer progre dan mem vites. Apre, kan nou pe aret fer so letid, nou bizin fer dimounn-la santi ki nou pou bien kontan pou kontign so letid kan li pre.​—1 Tim. 2:4.