Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • w21 Oktob p. 14-17
  • Rekonstrir To Lamitie Avek Zeova

Pena video ki disponib pou seki ou finn swazir.

Sori, enn erer inn anpes sa video-la zwe.

  • Rekonstrir To Lamitie Avek Zeova
  • Latour Degard Pe Anons Rwayom Zeova (Edision Letid)—2021
  • Soutit
  • Lor Mem Size
  • BANN DIFIKILTE
  • FIXE BANN LOBZEKTIF KI TO KAPAV REALIZE
  • PA BES LEBRA!
  • “Apel Bann Ansien”
    Latour Degard Pe Anons Rwayom Zeova (Edision Letid)—2025
  • To Ena Valer pou Zeova!
    Latour Degard Pe Anons Rwayom Zeova (Edision Letid)—2021
  • Ansien​—Kontign Swiv Lexanp Lapot Pol
    Latour Degard Pe Anons Rwayom Zeova (Edision Letid)—2022
  • Zeova Touletan Avek Twa, Alor Zame To Tousel
    Latour Degard Pe Anons Rwayom Zeova (Edision Letid)—2021
Rod Plis
Latour Degard Pe Anons Rwayom Zeova (Edision Letid)—2021
w21 Oktob p. 14-17
Enn frer dekouraze kan li mazinn kantite letan ek zefor ki li pou bizin pou rekonstrir so lakaz ki’nn kraze.

Rekonstrir To Lamitie Avek Zeova

SAK lane, enn kantite dimounn reintegre dan lasanble. Mazinn ‘lazwa ki ena dan lesiel’ kan enn kikenn retourne! (Lik 15:7, 10) Si to’nn reintegre, to kapav sir ki Zezi, bann anz, ek Zeova bien kontan ki to’nn reform parti dan lasanble. Selman, amezir ki to rekonstrir to lamitie avek Zeova, kitfwa to pou gagn bann difikilte. Anou get sertin difikilte ki to kapav gagne, ek anou gete seki to kapav fer pou sirmont zot?

BANN DIFIKILTE

Boukou frer ek ser kontign ena bann panse negatif mem apre ki zot inn reintegre. Sirman zot ena mem santiman ki Lerwa David. Mem si Zeova ti pardonn David, David dir ki so bann fot ti “pez lour” lor li. (Ps. 40:12; 65:3) Mem si enn kikenn inn reintegre, li kapav kontign gagn onte ek santi li koupab pandan plizir lane. Isabelle ti exkli pandan plis ki 20 an.a Li dir: “Mo ti trouv sa bien difisil pou aksepte ki Zeova kapav pardonn mwa.” Si to dekouraze, to kapav revinn feb lor plan spiritiel. (Prov. 24:10) Alor, fode pa to les sa arive.

Sertin exkli panse ki zot pa pou kapav fer tou seki bizin pou zot regagn enn bon lamitie avek Zeova. Apre ki li ti reintegre, Antoine ti dir: “Mo ti ena linpresion ki mo ti bliye boukou kitsoz ki mo ti aprann ek ki mo ti fer avan, kan mo ti enn Temwin.” Akoz sa bann santiman-la, sertin pa fer zot maximum pou servi Zeova.

Anou pran enn lexanp. Kan enn kikenn so lakaz inn kraze akoz enn siklonn, li kapav dekouraze kan li mazinn kantite letan ek zefor ki li pou bizin pou rekonstrir so lakaz. Dan mem fason, si to’nn fer enn pese grav, to kapav panse ki to pou bizin boukou letan ek zefor pou rekonstrir to lamitie avek Zeova. Me to kapav gagn led pou fer sa.

Zeova dir nou: “Vini, ek anou remet bann kitsoz an-ord ant nou.” (Iza. 1:18) To’nn deza koumans fer boukou kitsoz pou remet “bann kitsoz an-ord.” Zeova bien kontan twa parski to’nn fer sa bann zefor-la. Parski to’nn retourn ar Zeova, Li kapav servi twa kouma enn lexanp pou montre ki Satan enn manter!​—Prov. 27:11.

Kan to’nn retourn dan laverite, to’nn rekoumans vinn pros ar Zeova. Ek Zeova promet ki Li pou revinn pros avek twa. (Zak 4:8) Li bon ki lezot inn trouve ki to’nn retourn dan lasanble. Selman, to bizin fer plis ki sa. To bizin kontign ogmant to lamour pou to Papa, Zeova. Kouma to kapav fer sa?

FIXE BANN LOBZEKTIF KI TO KAPAV REALIZE

Esey fixe bann lobzektif ki to kapav realize. Sirman to ankor rapel bann lansegnman debaz ki to’nn aprann lor Zeova ek so promes konsernan Paradi. Me asterla, to bizin repran bann bon labitid, kouma par exanp, prese regilierman, asiste bann renion, ek pas letan avek to bann frer ek ser. Anou get sertin lobzektif ki to kapav fixe.

Priye Zeova regilierman. Zeova kone ki, si to kontign santi twa koupab pou seki to’nn fer, to kapav trouv sa difisil pou priye Li. (Rom. 8:26) Kanmem sa, kontign priye Zeova, ek dir Li ki kantite to anvi vinn so kamarad. (Rom. 12:12) Andrej dir: “Mo ti bien onte ek mo ti extra santi mwa koupab. Me apre sak lapriyer ki mo ti fer, sa bann santiman-la ti diminie ek mo ti santi mwa anpe.” Si to pa kone ki to pou dir dan to bann lapriyer, reflesi lor lapriyer ki Lerwa David ti fer dan Psom 51 ek 65.

Etidie Labib regilierman. Sa pou ed twa pou ena enn lafwa for ek pou ogmant to lamour pou Zeova. (Ps. 19:7-11) Felipe dir: “Mo ti vinn feb ek mo ti elwagn mwa ar Zeova parski mo pa ti ena enn bon program letid personel. Mo pa ti anvi fer sa erer-la enn deziem fwa, alor mo ti bien deside pou fer mo letid personel regilierman.” Twa osi to kapav fer parey. Si to bizin led pou swazir bann size pou to letid personel, to kapav demann enn kamarad ki ena enn bon lamitie avek Zeova pou ed twa.

Rekonstrir to lamitie avek to bann frer ek ser. Kan sertin retourn dan laverite, zot kapav panse ki lezot pou trouv zot dan enn move fason. Larissa dir: “Mo ti extra onte ek mo ti panse ki mo ti trayir mo bann frer ek ser. Mo ti ena sa santiman-la pandan enn bon bout letan.” To kapav sir ki bann ansien ek bann frer ek ser anvi ed twa pou rekonstrir to lamitie avek Zeova. (Get lankadre “Ki Bann Ansien Kapav Fer?”) Zot bien kontan ki to’nn retourne ek zot anvi ki to ere!​—Prov. 17:17.

Ki to kapav fer pou vinn pli pros avek to bann frer ek ser? Asiste tou bann renion, ek pres regilierman avek to bann frer ek ser. Kouma sa kapav ed twa? Felix dir: “Bann frer ek ser ti bien kontan kan mo ti reintegre. Mo ti santi ki zot kontan mwa. Zot tou ti ed mwa pou mo reform parti dan lasanble. Zot ti ed mwa pou trouve ki Zeova ti pardonn mwa, ek zot ti ed mwa pou kontign servi Li.”​—Get lankadre “Ki To Kapav Fer?”

Ki To Kapav Fer?

Repran labitid pou priye, etidie Labib, ek frekant to bann frer ek ser

Enn ansien pe priye ansam avek enn frer ki’nn retourn dan laverite.

PRIYE ZEOVA REGILIERMAN

Dir Zeova ki kantite to anvi revinn so kamarad. Bann ansien pou priye pou twa ek ansam avek twa

Ansien-la pe servi liv « Approchez-vous de Jéhovah » pou etidie avek frer-la.

ETIDIE LABIB REGILIERMAN

Sa pou ed twa pou ena enn lafwa for ek pou ogmant to lamour pou Zeova

Frer-la pe koz avek bann frer ek ser dan enn fet.

REKONSTRIR TO LAMITIE AVEK BANN FRER EK SER

Asiste tou bann renion ansam avek to bann frer ek ser, ek prese regilierman

PA BES LEBRA!

Satan pou kontign met bann leprev devan twa pou anpes twa rekonstrir to lamitie avek Zeova. (Lik 4:13) Alor, kontign fer to lamitie avek Zeova vinn pli for.

Kan Li koz lor so bann mouton, Zeova fer sa promes-la: “Mo pou al rod seki’nn perdi, ek mo pou re-amenn seki’nn al lwin. Mo pou met enn bandaz lor seki’nn blese, ek mo pou fortifie seki feb.” (Eze. 34:16) Zeova inn ed boukou dimounn pou rekonstrir zot lamitie avek Li. Alor, to kapav sir ki Li anvi ed twa pou ki to kontign grandi to lamitie avek Li.

Ki Bann Ansien Kapav Fer?

Ansien-la pe ed frer-la pou rekonstrir so lakaz ki’nn kraze.

Bann ansien kapav fer boukou kitsoz pou ed bann frer ek ser ki’nn reintegre pou rekonstrir zot lamitie avek Zeova. Anou gete ki zot kapav fer pou ed bann ki’nn reintegre.

Rasir zot. Lapot Pol ti kone ki enn kikenn ki repanti kapav “tom dan enn tristes” ki fer li perdi kouraz. (2 Kor. 2:7) Enn kikenn ki repanti kapav souvan santi li koupab, li gagn onte, ek li dekouraze. Pol ti donn bann frer ek ser dan lasanble sa konsey-la: “Zot bizin pardonn li ek ankouraz li.” Nou bizin rasir nou bann frer ek ser ki’nn reintegre ek fer zot trouve ki Zeova kontan zot ek ki nou osi nou kontan zot boukou. Kan bann ansien ed zot ek felisit zot regilierman, sa kapav ed zot pou ki zot pa dekouraze.

Priye ansam avek zot. “Lapriyer enn dimoun ki zis, li ena enn pwisans e li efikas.” (Zak 5:16) Larissa, ki nou ti mansione avan, dir: “Mo ti partaz mo bann dout ek mo bann laper avek bann ansien, ek zot ti priye pou mwa. Lerla, mo ti konpran ki bann ansien pa ti ankoler avek mwa. Zot ti anvi ed mwa pou rekonstrir mo lamitie avek Zeova.” Theo dir: “Lapriyer bann ansien ti rasir mwa ki Zeova vremem kontan mwa ek ki Li pa zis trouv mo bann defo, me Li trouv osi mo bann kalite.”

Fer kamarad avek zot. Bann frer ek ser ki’nn reintegre bizin ena bann kamarad dan lasanble. Enn ansien ki apel Justin, dir: “Sezi tou lokazion pou invit zot pou pres ansam avek twa. Me pli inportan, vizit zot kot zot. Li bien inportan ki to vinn zot kamarad!” Enn lot ansien ki apel Henry, dir: “Si lezot dan lasanble trouve ki bann ansien pe fer kamarad ar bann ki’nn reintegre, zot pou esey fer parey.”

Ed zot pou etidie. Enn kamarad ki spiritiel kapav ed enn kikenn ki’nn reintegre pou repran bann bon labitid spiritiel. Enn ansien ki apel Darko, dir: “Mo kontan partaz bann perl spiritiel ki mo’nn trouve dan mo letid personel avek zot, ek osi montre zot ki kantite mo kontan etidie Labib. Mo osi organiz mwa pou etidie ansam avek zot.” Enn lot ansien ki apel Clayton, dir: “Mo ankouraz zot pou etidie lexanp bann personaz Biblik ki’nn pas par mem sitiasion ki zot ek pou reflesi lor seki zot kapav aprann ar sa bann lexanp-la.”

Ed zot kouma enn bon berze. Bann frer ek ser ki’nn reintegre inn trouv bann ansien asim zot responsabilite antan ki ziz dan lasanble. Asterla, li bien inportan ki zot trouv sa bann ansien-la kouma bann berze. (Zer. 23:4) Ansien, pa ezite pou ekout ek felisit bann ki’nn reintegre. Koz avek zot souvan. Get seki enn ansien, ki apel Marcus, fer pandan so bann vizit pastoral: “Nou partaz enn verse Labib avek zot ek nou felisit zot. Nou rasir zot ki nou bien kontan bann zefor ki zot inn fer pou revinn dan laverite, ek nou rasir zot ki Zeova osi bien kontan. Alafin sak vizit, nou met enn randevou pou prosin vizit.”

a Finn sanz sertin nom dan sa lartik-la.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze