Eski Bann Temwin Zeova Bann Kretien?

Wi. Nou bann Kretien pou sa bann rezon-la:

• Nou esey swiv bien bann lansegnman Zezi Kris ek imit so kondwit.—1 Pier 2:21.

• Nou krwar ki se selman atraver Zezi ki nou gagn lavi sov, ki “pena okenn lot nom ki bann zom finn gagne, ki pou fer nou gagn lavi sov.”—Zistwar Bann Apot 4:12.

• Kan bann dimounn vinn bann Temwin Zeova, zot pran batem lor nom Zezi.—Matie 28:18, 19.

• Nou priye lor nom Zezi.—Zan 15:16.

• Nou krwar ki Zezi li Sef, setadir ki li’nn gagn lotorite, lor tou dimounn.—1 Korintien 11:3.

Pourtan, dan plizir fason, nou diferan ar bann lezot group relizie ki dir zot Kretien. Par exanp, nou krwar ki Labib ansegne ki Zezi li Garson Bondie ek ki li pa form parti dan enn Trinite. (Mark 12:29) Nou osi krwar ki nou nam li pa imortel ek ki Bondie Li pa fer bann dimounn soufer dan enn lanfer dife pou touletan, ouswa ki bann dimounn ki pran latet dan bann aktivite relizie bizin pena bann tit ki fer zot siperyer ar lezot.—Ekleziast 9:5; Ezekiel 18:4; Matie 23:8-10.