“Firy ny Ora Tokony Hosoratako?”

Efa mba nanontany an’izany ve ianao? Misy tari-dalana azo arahina ao amin’ny boky Voalamina, pejy 86-87. Manome toromarika fanampiny koa ny Valin’ny Fanontanianareo ao amin’ny Fanompoantsika Ilay Fanjakana Septambra 2008. Tsy nomena fitsipika amin’ny an-tsipiriany anefa isika, satria tsy mitovy ny toe-javatra. Tsy mety àry raha manome fitsipika hafa ny anti-panahy, na ny olon-kafa.

Raha misy fanontaniana mipoitra àry, nefa tsy misy tari-dalana navoakan’ny fandaminana momba an’ilay izy, dia anjaran’ny mpitory tsirairay ny mandinika hoe: Tena lany tamin’ny fanompoana ve ilay fotoana? Sa nanaovana zavatra hafa tsy mifandray amin’izany? Tokony ho faly isika rehefa manoratra ny ora nanompoantsika ao amin’ny tatitra isam-bolana, fa tsy henjehin’ny eritreritsika. (Asa. 23:1) Mazava ho azy fa tsy ny fomba fikajiana ny ora no tena tokony hifantohantsika, fa ny fomba hampiasana tsara ny fotoanantsika rehefa eny amin’ny fanompoana.—Heb. 6:11.