Fampidirana ny Fizarana 9

Ahitana tantarana ankizy sy mpaminany ary mpanjaka tena natoky an’i Jehovah ity fizarana ity. Natoky, ohatra, ny ankizivavikely israelita anankiray tany Syria, fa hositranin’ny mpaminanin’i Jehovah i Namàna. Tena natoky koa i Elisa mpaminany fa hiaro azy amin’ny fahavalo i Jehovah. I Joiada Mpisoronabe indray sahy niaro an’i Joasy kely. Nanana bebe ratsy fanahy izay mantsy izy, ary nitady hamono an’azy io bebeny io. Atalia no anarany. I Hezekia Mpanjaka indray natoky hoe hamonjy an’i Jerosalema i Jehovah, ka tsy nanaiky hampitahorin’ny Asyrianina izy. I Josia Mpanjaka kosa nanala ny sampy rehetra tany Joda, nanamboatra ny tempoly, ary nitarika ny vahoaka hivavaka amin’i Jehovah indray.