ARISTARKO

(Arìstarkô) [Mpitondra Tsara Indrindra].

Anisan’ny mpiara-miasa akaiky tamin’i Paoly, ary niara-dia sy niara-nigadra taminy. Makedonianina avy any Tesalonika i Aristarko. (As 20:4; 27:2) Ny fitantarana momba ny dia misionera fahatelo nataon’i Paoly no miresaka voalohany momba azy. Rehefa nisahotaka be ny tao Efesosy, dia nentina an-keriny tao an-kianja filalaovana tantara an-tsehatra i Aristarko sy Gaio. (As 19:29) Mety ho izy “ilay rahalahy” nanampy an’i Paoly hanangona fanomezana tany Makedonia sy Gresy ho an’ireo Kristianina tany Jodia.​—2Ko 8:18-20.

Niaraka tamin’i Paoly nankany Roma i Aristarko. Tsy fantatra hoe nahoana izy no nahazo alalana hanao ilay dia. Angamba noho izy mpanompon’i Paoly. (As 27:2) Mbola nanampy sy nampahery an’i Paoly izy tany Roma, ary nisy fotoana niara-nigadra taminy. Nanao mampamangy an’ireo Kristianina tany Kolosia sy an’i Filemona i Aristarko, ao amin’ny taratasin’i Paoly ho an’ny Kolosianina (4:10) sy ho an’i Filemona (23, 24).