Fomba Fitory Modely

Hanombohana Fampianarana Baiboly ny Asabotsy Voalohany Amin’ny Volana Jona

“Tian’ny ankamaroan’ny olona raha misy fandriampahalemana maneran-tany. Mbola misy foana anefa ny ady. Araka ny hevitrao, nahoana no tsy mety misy fiadanana mihitsy eto an-tany?” Avelao izy hamaly. Asehoy avy eo ny pejy farany amin’ny Tilikambo Fiambenana 1 Jona. Iaraho midinika ny fanontaniana voalohany ary mamakia andinin-teny iray, fara fahakeliny. Atolory ireo gazety ary manaova fotoana handinihana ny fanontaniana manaraka.

Fanamarihana: Tokony hatao fampisehoana amin’ny fivoriana alohan’ny fanompoana amin’ny 1 Jona izy ity.

Ny Tilikambo Fiambenana 1 Jona

“Mitsidika vetivety ny olona etỳ izahay mba hiresaka momba ny olana iray mateti-pitranga. Efa tratran’ny fanavakavahana ny ankamaroan’ny olona. Misy toerana tsisy olona manavakavaka ve eto an-tany, araka ny hevitrao? [Avelao izy hamaly.] Jereo ange ny fiheveran’Andriamanitra ny olona rehetra e! [Vakio ny Asan’ny Apostoly 10:34.] Resahin’ity gazety ity ny fomba hamaranan’Andriamanitra ny fanavakavahana.”

Mifohaza! Jona

“Ara-dalàna raha tiantsika ho tsaratsara ny fiainantsika. Araka ny hevitrao, ho hoatr’izany tokoa ve ny fiainantsika raha mividy zavatra betsaka kokoa isika? [Avelao izy hamaly.] Jereo ange ity tenin’i Jesosy ity e! [Vakio ny Lioka 12:15.] Hazavain’ity gazety ity ny tokony hiheverantsika ny fananana, sy ny fomba hahaizantsika mifehy tena amin’ny fividianan-javatra.”