Asao Foana ny Olona
1. Rahoviana isika no hanomboka hizara fanasana?
1 Eritrereto hoe nanomana sakafo tsara be ianao sady efa mba niezaka mafy erỳ nahandro azy. Tsy mba hafana fo ve ianao rehefa hanasa ny namanao sy ny fianakavianao hihinana an’ilay izy? Asa be koa vao voaomana ny sakafo ara-panahy homena antsika amin’ny fivoriamben’ny vondrom-paritra. Hanomboka hizara fanasana isika, telo herinandro alohan’ilay fivoriambe. Tombontsoa be izany satria i Jehovah mihitsy no maniraka antsika hanasa olona amin’io. Inona àry no hanampy antsika hafana fo rehefa hizara fanasana?
2. Inona no hanampy antsika hazoto hizara fanasana?
2 Hazoto hizara fanasana isika, raha mitadidy hoe tena tsara ny fampianarana omen’i Jehovah any amin’ireny fivoriambe ireny, ary mandray soa amin’izany mihitsy isika tsirairay. (Isaia 65:13, 14) Tadidio koa fa tena misy olona mandeha rehefa omena fanasana. (Jereo ilay efajoro hoe “Mandaitra Ilay Izy!”) Na ho tonga na tsy ho tonga anefa ny olona asaintsika, dia midera an’i Jehovah isika sady manahaka azy satria tia manao soa olona.—Sal. 145:3, 7; Apok. 22:17.
3. Ahoana no hizarana an’ilay fanasana?
3 Ny anti-panahy no hijery hoe ahoana no hizarana fanasana betsaka araka izay azo atao. Izy ireo no hanapa-kevitra hoe homena fanasana ve ireo tsy tratra an-trano, na hoe hozaraina mandritra ny fitoriana eny amin’ny toerana be olona ve ilay izy. Raha mety, dia atolory miaraka amin’ny gazety ilay fanasana rehefa faran’ny herinandro. Rehefa vita ilay ezaka manokana, dia tena ho faly isika satria nazoto nandray anjara sady nanasa olona betsaka araka izay azo atao mba hanatrika an’ilay fanasambe ataon’i Jehovah!