Moolumo oopacera o mphantte 3

Ibiibiliya ineera wiira uvira waya ukati waacanre maaci menci mmahuku wa Nowee, atthu vakaani paasi phanswalela Yehova. Nhina ayo atthwaayo, ahaavo nlopwana eehaniya Aparahaamu, aacuweliye ukhala mpwanaawe Yehova. Kontha isiyani Aparahaamu eehaniyaawe mpwanaawe Yehova? Wakhala wiira nyuuva nhaana mwaana awula asaana, mmoonihere khula mwaninyu wiira Yehova nanweha uyova ni naapheela unkavihera. Mmoonihere wiira hiiva otheene khula ukati pooti umuulumana Yehova ni unlepela wiira anikavihere, khampa caapankilyaawe Aparahaamu, Lo ni Yaakopi. Ciicammo, nihaana nikhuluvelaka wiira Yehova naahala wiirannyeeha citthu cotheene cihimilyaawe.