WAAKAVIHERA ATTHU WIIRA APHEELE WIITTHUCA-THO
MWAHA 8
Uvilela
Ikano: “Ntthu oofenta naavilela.”—1 Akor. 13:4.
Isiyani Yesu yaapankilyaawe?
1. Moone IVIDIYU awula nsome Joau 7:3-5 ni 1 Akorintu 15:3, 4, 7. Mwamalihaka, mwaakhule ala makohwaala:
Wiipaceroni, manannani asihimaawe Yesu caaweheraaya ihapari comaana caalalyeeraawe?
Isiyani inthoonyera wiira Yesu khaamoocyaale mwanhimaawe, Tiyaku?
Ntakihero na Yesu ninniitthuciha isiyani?
2. Nihaana nivilelaka kontha atthu akhwaawe anaapica waamini ihapari comaana cinaalalyeereehu.
Muntakihe Yesu
3. Mmananihe uvarela nteko ikaruma ikhwaawe. Wakhala wiira ntthuuyo khantthuna usomihiya Ibiiblya nhinkhanyererihe. Wakhitiryaavale, mmoonihere ividiyu awula munvahe ilivuru inhala unkavihera woona mananna cinaasomiheehu atthu Ibiiblya ni manannani cinhalaaya unkavihera muukumini wawe.
4. Muupuwele wiira atthu anaavirikana. Wakhala wiira mmuciinyu awula ntthu nonthotoleenyu khantthuna usomihiya Ibiiblya, mmananihe ucuwela nlattuni uyova uhintthunaawe usomihiya Ibiiblya. Niireke wiira uyo ntthuuyo noovaresesa citthu cineetthucihiyaawe ittiini ineettaawe? Niireke wiira uyo ntthuuyo naakhanyererihiya upanka itthu naamucyaawe awula namwaattamanannyaawe? Munvahe ukati wiira oopuwele itthu nyuuva yuulumileenyu wiira acuwele ifayita irinaaya usoma Ibiiblya.
5. Nlompe wiira Yehova ankavihere ntthuuyo. Munlompe Yehova wiira ookavihereni uhihiyerera wiikurumica ni ukhalana ihisima. Munlepele Yehova wiira oovaheni ucuwelaca ukati woopheela ulakela uhiya umootola ntthu hintthuna usomihiya Ibiiblya. —1 Akor. 9:26.