Uthunku

Isiyani Yesu yaapankilyaawe?

IVIDIYU: Yesu naawoonela uthunku atthu

1. Moone IVIDIYU awula nsome Markus 6:30-34. Mwamalihaka, mwaakhule ala makohwaala:

1. Nlattuni Yesu ni attharyaawe yaapheelaaya ‘ukhala veekha’?

2. Isiyani yaamwiirihile Yesu uwiitthuciha atthu?

Ntakihero na Yesu ninniitthuciha isiyani?

2. Nakhalanaka uthunku, hiiva ninaahala uthoonyera waawacera atthu, uhiya paasi waalalyeera ihapari comaana.

untakihe Yesu

3. Nviriyane saana. Munhiye ntthuuyo wiira oolume itthu inoopuwelaawe. Ukati unoolumaawe, nhinthikile ni nhinthoonyere uhiwacera citthu cinoolumaawe, citthu cinoopuwelaawe ni citthu cimpheelaawe. Mwanviriyanaka saana ntthuuyo, nnaahala uthoonyera wiira nnaawacera itthu inoopuwelaawe.

4. Mmuupuwele ntthu nopheela usomihiya Ibiiblya. Muupuwelaka mwaha mwaamoopanneenyu, mwiikohe co:

1. ‘Kontha isiyani uyo naapheela uviriyana ihapari comaana?’

2. ‘Manannani usoma Ibiiblya cinhalaaya unkavihera nenna co ni wahoolo?’

5. Muulume citthu cinhala unkavihera muukumini wawe. Woohipicapica, moonaka wiira wanaakhitirya, mmoonihere manannani Ibiiblya cinaakhulaaya makoho arinaawe ni manannani cinhalaaya unkavihera muukumi ni wawe.